জনীয়া, 28 এপ্ৰিল :বুধবাৰে পুৱাতে অহা বৃহৎ ভূমিকম্পৰ ভয়ংকৰ জোকাৰণিৰ ফলত কলগাছিয়াৰ বৰপেটা অসামৰিক চিকিৎসালয়খনতো ফাঁট মেলা পৰিলক্ষিত হয় । ইয়াৰ পিছতে ৰোগী আৰু ৰোগীৰ আত্মীয়ৰ মাজত সৃষ্টি হয় এক হাহাকাৰ পৰিস্থিতিৰ । চিকিৎসালয়ৰ এগৰাকী কৰ্মচাৰীয়ে জানোৱা মতে, ভূমিকম্পৰ ফলত ক’ভিডত আক্ৰান্ত একাংশ ৰোগীয়ে আৰ্তনাদ কৰাৰ লগতে চিকিৎসালয়খনৰ বাহিৰলৈ ওলাই যাবলৈ চেষ্টা কৰে যদিও পাছলৈ অৱশ্যে ক্ষান্ত হয় । ইয়াৰ লগতে সাধাৰণ ৱাৰ্ডত থকা ৰোগীৰ মাজতো আতংকৰ সৃষ্টি হোৱাৰ ফলত যোনেই যেনেকৈ পাৰে, তেনিয়েই দৌৰিবলৈ আৰম্ভ কৰে ।
ভূমিকম্পৰ জোকাৰণিত বৰপেটা অসামৰিক চিকিৎসালয়ত ফাট মেলিছে