জনীয়া,6 আগষ্ট : 9 লাখ টকীয়া এখন দলং (Bridge) মেৰামতিৰ বাবে 7 লাখ টকা আৱন্টন পোৱাৰ পাচতো নিৰ্মাণ নহ’ল দলঙৰ ৰেলিং । মেৰামতিৰ 5 বছৰ পাচতেই জহি-খহি গৈছে দলংখনৰ কাঠ। দৰঙৰ ওপৰেৰে মটৰ চাইকেল পাৰ হ’লেই হালি পৰে দলংখন ।
এই দলংখন হৈছে বৰপেটা জিলাৰ মন্দিয়া উন্নয়ন খণ্ডৰ অন্তৰ্গত জনতা গাঁও পঞ্চায়তৰ 3 নং খণ্ডৰ মৰা বেঁকী নৈৰ ওপৰত থকা এখন কাঠৰ দলং । প্ৰাপ্ত তথ্য অনুসৰি, উক্ত কাঠৰ দলং নিৰ্মাণৰ বাবে তেতিয়াৰ বৰপেটাৰ সাংসদ চিৰাজ উদ্দিন আজমল (Siraj Uddin Ajmal)য়ে আৱণ্টন দিয়া 9 লাখ টকাৰে দলংখন নিৰ্মাণ কৰা হৈছিল ।
দলং মেৰামতিত অনিয়মৰ অভিযোগ লগতে পঢ়ক :সাপ-ভেকুলীৰ আশ্ৰয়স্থললৈ পৰ্যবসিত ৰুবিৰভিটা উপ স্বাস্থ্যকেন্দ্ৰ
কিন্তু সেই একেখন দলং মেৰামতিৰ বাবে জনতা গাঁও পঞ্চায়তৰ সভাপতি হাবিল খানে চতুৰ্দশ বিত্তীয় আয়োগ আঁচনিৰ পৰা 7 লাখ টকা আৱণ্টন দিয়ে ৷ ইয়াৰ পাচতে ঠিকাদাৰে দলংখনৰ কেৱল নামমাত্ৰ কাম কৰি সমূদায় টকা আত্মসাৎ কৰাৰ অভিযোগ উত্থাপন কৰিছে স্থানীয় ৰাইজে ৷
দলং মেৰামতিৰ নামত সভাপতি হাবিল খানেও ব্যাপক দুৰ্নীতি (Corruption) সংঘটিত কৰা বুলি অভিযোগ তুলিছে ৰাইজে ৷ এই দুৰ্নীতিৰ তদন্ত কৰি সভাপতি হাবিল খান আৰু দলঙৰ কামত জড়িত থকা অভিযন্তা, ঠিকাদাৰৰ বিৰুদ্ধে চৰকাৰক ব্যৱস্থা গ্ৰহণৰ দাবী উত্থাপন কৰিছে গাঁওবাসীয়ে । লগতে শীঘ্ৰেই কাঠৰ দলঙৰ পৰিৱৰ্তে পকী দলং নিৰ্মাণৰো দাবী জনাইছে ৷
লগতে পঢ়ক :পানী যোগান আঁচনি ৰূপায়ণৰ নামত ব্যাপক দুৰ্নীতিৰ অভিযোগ
