জনীয়াত তীব্ৰতৰ বিজেপিৰ নিৰ্বাচনী তৎপৰতা

সমাগত নিৰ্বাচনক লৈ বৃহস্পতিবাৰে জনীয়াত এখন সভা আহ্বান কৰি শক্তিশালী নিৰ্বাচন পৰিচালনা সমিতি গঠন বিজেপিৰ দলীয় নেতা-কৰ্মীৰ ৷ সভাত 70 বছৰে নোহোৱা উন্নতি সমষ্টিত বিজেপিৰ বিধায়ক হ’লে 5 বছৰতে সম্ভৱ হৈ উঠিব বুলি মন্তব্য কৰে দলীয় কৰ্মীয়ে ৷

জনীয়া,11 মাৰ্চ: ৰাজ্যৰ অন্য প্ৰান্তৰ লেখীয়াকৈ বৰপেটা জিলাৰ জনীয়া সমষ্টিতো বিজেপি নেতা-কৰ্মীয়ে তীব্ৰতৰ কৰি তুলিছে নিৰ্বাচনী তৎপৰতা ৷ বৃহস্পতিবাৰে জনীয়া সমষ্টিৰ কলগাছিয়াস্থিত বিজেপিৰ কাৰ্যালয়ত এখন সভা আহ্বান কৰি শক্তিশালী নিৰ্বাচন পৰিচালনা সমিতি গঠন কৰে বিজেপিয়ে । সভাৰ অন্তত দলটোৰ সংখ্যালঘু মৰ্চাৰ ৰাজ্যিক সম্পাদক তথা জনীয়া সমষ্টিৰ বিজেপি দলৰ অন্যতম শক্তিশালী প্ৰাৰ্থিত্ব প্ৰত্যাশী শ্বাহিদুল ইছলামে কেইবাটাও গুৰুত্বপূৰ্ণ মন্তব্য আগবঢ়ায় ।

সাংবাদিকৰ প্ৰশ্নৰ উত্তৰত ইছলামে কয় যে, ‘‘যি সকলে মিঞা মিউজিয়াম বিচাৰে, মিঞা কবিতাৰ পোষকতা কৰে, তেওঁলোকৰ ভোট বিজেপিক নালাগে, আমি অসমীয়া আৰু আমাক অসমীয়াৰ ভোট লাগে । নেতা গৰাকীয়ে জনীয়া সমষ্টিৰ বিভিন্ন সমস্যা সমাধান সম্পৰ্কে কোৱাৰ উপৰিও যোৱা 70 বছৰে নোহোৱা উন্নতি সমষ্টিত বিজেপিৰ বিধায়ক হ’লে 5 বছৰতে হৈ সম্ভৱ উঠিব বুলি মন্তব্য আগবঢ়ায় ।

আনহাতে, জনীয়াৰ ৰাইজে এইবেলি বিজেপিৰ পৰা বিধায়ক নিৰ্বাচিত কৰি চৰকাৰ গঠনত অংশীদাৰ হ’ব বুলি মন্তব্য কৰে সমষ্টিটোৰ প্ৰভাৰী দেৱব্ৰত সৰকাৰে । উক্ত সভাত উপস্থিত থাকে বিজেপি দলৰ কেইবাগৰাকীও নেতা-কৰ্মী ৷

লগতে পঢ়ক:ৰঙিয়াৰ বিজেপি প্ৰাৰ্থী ভৱেশ কলিতাৰ মনোনয়ন দাখিল