বৰপেটা আৰক্ষীৰ জালত গভাইত চোৰ ছাহজাহান

অৱশেষত আৰক্ষীৰ জালত পৰিল দুবাৰকৈ আৰক্ষীৰ জিম্মাৰ পৰা পলায়ন কৰা গভাইত চোৰ ছাহজাহান আলী । নিজকে হেণ্ডিমেন বুলি পৰিচয় দি দুমাহ পূৰ্বে এগৰাকী যাত্ৰীৰ পৰা ছাহজাহানে কৌশলেৰে লুটি নিছিল ১ লাখ টকা ৷

বৰপেটা, ১ ফেব্ৰুৱাৰী: সোমবাৰে বৰপেটা আৰক্ষীয়ে আটক কৰিলে চোৰ ছাহজাহান আলীক । চুৰি বিদ্যাত পাকৈত ছাহজাহানে দুমাহ পূৰ্বে বাছেৰে যাত্ৰা কৰাৰ সময়ত নিজকে হেণ্ডিমেন বুলি পৰিচয় দি এগৰাকী যাত্ৰীৰ পৰা 1 লাখ টকা লুটি নিছিল । হাউলীৰ ফজল আলী নামৰ এজন শিক্ষকগৰাকীয়ে এটা বেগত টকাখিনি আনিছিল । ছাহজাহানে কৌশলেৰে টকাসহ বেগটো লৈ উধাও হয় ।

সোমবাৰে বৰপেটা চহৰত আৰক্ষীয়ে ছাহজাহনক আটক কৰাৰ পিছতে পোহৰলৈ আহিছে ছাহজাহান আলীৰ পূৰ্বৰ সকলো চুৰিকাৰ্যৰ কথা ৷ আৰক্ষীয়ে জনোৱা মতে, ছাহজাহান আলী নামৰ এই গভাইত চোৰটোৱে পূৰ্বে বৰপেটা আৰু হাউলী থানাৰ পৰা আৰক্ষীৰ চকুত ধূলি দি দুবাৰকৈ পলায়ন কৰিবলৈ সক্ষম হৈছিল ৷ কিন্তু চুৰিকাণ্ড সংঘটিত কৰা আৰক্ষীৰ টোপনি নোহোৱা কৰা ছাহজাহান আলী এতিয়া ৰঙাঘৰৰ আলহী ৷

বৰপেটা আৰক্ষীয়ে আটক কৰিলে চোৰ ছাহজাহান আলীক

চুৰিকাণ্ড সংঘটিত কৰাৰ বিষয়ে অৱগত হোৱাৰ পিছতে ৰাইজে ছাহজাহানক কৰায়ত্ত কৰিবলৈ চেষ্টা কৰে যদিও গভাইত চোৰটোৱে বৰপেটা সদৰ থানাৰ সমীপৰ দলঙৰ পৰা মৰানদীত জপিয়াই দিয়ে । পিছতে ৰাইজৰ সহযোগত আৰক্ষীয়ে ছাহজাহানক কৰায়ত্ত কৰে ।

লগতে পঢ়ক:মৰিগাঁৱত অসম জাতীয় পৰিষদৰ জাতীয় জাগৰণ সমাবেশ