বৰপেটাৰ সত্ৰৰ বুঢ়াসত্ৰীয়া বশিষ্ঠ শৰ্মাৰ মুখ্যমন্ত্ৰীৰ পূঁজিলৈ ৫০ হেজাৰ

বৰপেটাৰ সত্ৰৰ বুঢ়াসত্ৰীয়া বশিষ্ঠ শৰ্মাই নিজৰ মাহেকীয়া পেঞ্চনৰ ৰাহি ধনৰ পৰাই মুখ্যমন্ত্ৰীৰ বান সাহায্য পূঁজিলৈ দান কৰে ৫০ হেজাৰ টকা ৷

বৰপেটা, 24 জুলাই : বুধবাৰে বৰপেটাৰ সত্ৰৰ বুঢ়াসত্ৰীয়া বশিষ্ঠ শৰ্মাই মুখ্যমন্ত্ৰীৰ বান সাহায্য পূঁজিলৈ দান কৰে ৫০ হেজাৰ টকা ৷ বুঢ়াসত্ৰীয়াগৰাকীয়ে বুধবাৰে মুখ্যমন্ত্ৰীৰ সাহায্য পূঁজিলৈ বৰপেটা জিলাৰ উপায়ুক্তৰ হাতত প্ৰদান কৰিলে ৫০ হেজাৰ টকাৰ এখন চেক ৷ উল্লেখযোগ্য যে বুঢ়াসত্ৰীয়া গৰাকীয়ে নিজৰ মাহেকীয়া ২০ হাজাৰ টকাৰ পেঞ্চনৰ ৰাহি ধনৰ পৰাই আগবঢ়াই এই অনুদান ৷ লগতে এনে দূৰ্যোগৰ সময়ত সকলোকে সহায় হাত আগবঢ়াবলৈ আহ্বান জনালে বুঢ়াসত্ৰীয়াগৰাকীয়ে ৷