বিহু উপলক্ষে সাজু বজালীৰ বাঘমাৰাৰ দৈ

ৰাইজে বাঘমাৰাৰ ম’হৰ দৈ পৰম্পৰাগতভাৱে ৰাজ্যৰ ভিন্ন প্ৰান্তৰ ৰাইজে মাঘ বিহুৱে হওঁক নতুবা বহাগ বিহুৱে হওঁক খাবলৈ উৎসুক হৈ থাকে । এইবাৰ বিহুৰ বাবে বাঘমাৰাত প্ৰায় ৭০ কুইণ্টল দৈ সাজু কৰি তোলা হৈছে বুলি জানিব পৰা গৈছে ।

পাঠশালা,13 এপ্ৰিলঃ অসম বিখ্যাত বাঘমাৰাৰ দৈ খাবলৈ ইতিমধ্যে ৰাজ্যৰ ভিন্ন প্ৰান্তৰ পৰা ৰাইজে অৰ্দাৰ কৰা দৈ প্ৰস্তুত হৈ উঠিছে । বাঘমাৰাৰ ম’হৰ দৈ পৰম্পৰাগতভাৱে ৰাজ্যৰ ভিন্ন প্ৰান্তৰ ৰাইজে মাঘ বিহুৱে হওঁক নতুবা বহাগ বিহুৱে হওঁক খাবলৈ উৎসুক হৈ থাকে । এইবাৰ বিহুৰ বাবে বাঘমাৰাত প্ৰায় ৭০ কুইণ্টল দৈ সাজু কৰি তোলা হৈছে বুলি জানিব পৰা গৈছে । গুৱাহাটী, কোকৰাঝাৰ, হাজো, নলবাৰী, ৰঙিয়া, পাঠশালাকে ধৰি ৰাজ্যৰ ভিন্ন প্ৰান্তলৈ ৰপ্তানিৰ বাবে সাজু হৈ উঠিছে বাঘমাৰাৰ দৈ বিক্ৰেতাসকল ।

উল্লেখযোগ্য যে, বাঘমাৰৰ প্ৰদীপ হীৰাই প্ৰায় ১৫ বছৰ ধৰি দৈ গাখীৰৰ ব্যৱসায়ী কৰি আহিছে । ম'হৰ গাখীৰৰ কাটাসমূহ ৰাজাবিল পাহাৰীয়া অঞ্চলৰ পৰা সংগ্ৰহ কৰি আহিছে প্ৰদীপ হিৰাই । বিগত বছৰ লক ডাউনৰ কাৰণে বিক্রেতাসকলে লোকচানৰ সম্মুখীন হ’বলগা হৈছিল যদিও এই বছৰ ৰঙালী বিহুত ৰাজ্যৰ বিভিন্ন ঠাইৰ পৰা অৰ্ডাৰ লাভ কৰিছে বিক্রেতাই । বহাগ বিহুৰ সময়ত প্ৰায় ২-৩ মোনলৈকে গাখীৰ অৰ্ডাৰ লাভ কৰিছে বজালীৰ বাঘমাৰৰ ব্যৱসায় প্ৰদীপ হিৰাই ।

লগতে পঢ়কঃ গুৱাহাটীত ক'ৰণাত আক্ৰান্ত হৈ পুনৰ এজনৰ মৃত্যু