বৰপেটা, ৭ জুন : বিগত কেইবাদিন ধৰি দিয়া নেৰা নেপেৰা বৰষুণৰ ফলত কৃত্ৰিম বানত বুৰ গৈছে বৰপেটাৰ হাউলী চহৰ । একাঁঠু পানীৰ মাজতে জীৱন যাপন কৰিবলগীয়া হৈছে চহৰবাসীয়ে । এজাক বৰষুণতে ডুব গৈছে চহৰ খনৰ ৪ নং ৱাৰ্ডৰ যাদৱ পথ, ঠাকুৰবাৰী, কালিবাড়ী ৰোডকে ধৰি প্ৰায়বোৰ পথ ।
নেৰা নেপেৰা বৰষুণত বৰপেটাৰ হাউলীত কৃত্রিম বান
ঠাকুৰবাৰী ৰোডত থকা একাংশ লোকৰ ঘৰৰ ভিতৰলৈকে সোমাই গৈছে পানী । ফলত ঘৰৰ ভিতৰৰ থকা আচবাব নষ্ট হোৱাৰ উপক্ৰম হৈছে ৷ উল্লেখ্য যে, প্ৰতি বছৰে এনেদৰে হাউলী চহৰত কৃত্ৰিম বানৰ সৃষ্টি হৈ আহিছে যদিও এই ক্ষেত্ৰত কোনো গুৰুত্ব নাই বৰপেটা জিলা প্ৰশাসন তথা হাউলী পৌৰ সভাৰ ।