মহাজোঁটৰ প্ৰাৰ্থী আব্দুৰ ৰহিম খানৰ ৰাইজক সাক্ষাৎ

দেওবাৰে বানিয়াৰাপাৰা সাপ্তাহিক বজাৰত উপস্থিত হৈ সাধাৰণ ভোটাৰ আৰু দোকানীৰ সৈতে মত বিনিময় কৰে মহাজোঁটৰ প্ৰাৰ্থী আব্দুৰ ৰহিম আহমেদে ৷ লগতে কুমল্লীপাৰা মণ্ডল এআইইউডিএফৰ সভাপতি আব্দুল মজিদৰ সৈতেও নিৰ্বাচন সম্পৰ্কীয় আলোচনাত মিলিত হয় প্ৰাৰ্থী গৰাকী ৷

জনীয়া,21 মাৰ্চ: বৰপেটা বিধানসভা সমষ্টিৰ মহাজোঁটৰ প্ৰাৰ্থী আব্দুৰ ৰহিম আহমেদে দেওবাৰে মত বিনিময় কৰে ৰাইজৰ সৈতে ৷ বানিয়াৰাপাৰা সাপ্তাহিক বজাৰত উপস্থিত হৈ সাধাৰণ ভোটাৰ আৰু দোকানীসকলৰ সৈতে মত বিনিময় কৰে প্ৰাৰ্থী গৰাকীয়ে ৷

ইফালে, আব্দুৰ ৰহিম আহমেদে কুমল্লীপাৰা মণ্ডল এআইইউডিএফৰ সভাপতি আব্দুল মজিদৰ বাসগৃহত উপস্থিত হৈ আব্দুল মজিদৰ সৈতে নিৰ্বাচন সম্পৰ্কীয় আলোচনাত মিলিত হয় ।

সাংবাদিকৰে সৈতে হোৱা সাক্ষাৎকাৰত আব্দুৰ ৰহিম আহমেদে কয় যে, এইবাৰ তেওঁ বিপুল ভোটত জয়ী হ’ব । লগতে, বৰপেটা ৰাজীৱ ভৱন তলাবন্ধ কৰা সন্দৰ্ভত সাংবাদিকে সোধা প্ৰশ্ন হাই কমাণ্ডলৈ ঠেলি দিয়ে প্ৰাৰ্থী গৰাকীয়ে ।

লগতে পঢ়ক:থাওৰাত কংগ্ৰেছ প্ৰাৰ্থীক আক্ৰমণৰ অভিযোগ