জনীয়া, ৪ অক্টোবৰ : বৰপেটা জিলাৰ সৰুক্ষেত্ৰী বিধান পৰিষদৰ সহযোগত আৰু 44 নং পশ্চিম পাকা আঞ্চলিক সমিতিৰ উদ্যোগত কলনী বজাৰত এক যোগদান কাৰ্যসূচী ৰূপায়ণ কৰা হয় (AGP joining programme) । অগপৰ কেন্দ্ৰীয় কমিটীৰ কাৰ্যকৰী সাংগঠনিক সদস্য আবু বক্কাৰ ছিদ্দিকৰ সভাপতিত্বত অনুষ্ঠিত উক্ত যোগদান সভাত উপস্থিত থাকে আনন্দৰাম বৰুৱা একাডেমীৰ সঞ্চালক তথা অসম গণ পৰিষদৰ কেন্দ্ৰীয় কমিটীৰ উপ-সভাপতি ৰঞ্জিত ডেকা ৷
সৰুক্ষেত্ৰী বিধান পৰিষদৰ সভাপতি চিত্তৰঞ্জন বৰ্মন উপস্থিত থাকি গুৰুত্বপূৰ্ণ মন্তব্য আগবঢ়ায় (AGP joining meeting at Sarukhyetri) । সভাৰ অন্তত সাংবাদিকৰে হোৱা সাক্ষাৎকাৰত আনন্দৰাম বৰুৱা একাডেমীৰ সঞ্চালক তথা অসম গণ পৰিষদৰ কেন্দ্ৰীয় কমিটীৰ উপ-সভাপতি ৰঞ্জিত ডেকাই কয় যে, আগন্তুক পঞ্চায়ত নিৰ্বাচনত অসম গণ পৰিষদ দলে প্ৰায়সংখ্যক আসন লাভ কৰিব (AGP central vice president) ।