কলগাছিয়া, ১৪ ফেব্ৰুৱাৰী : কলগাছিয়া আৰক্ষী থানাৰ অন্তৰ্গত দাৱনদিয়াত দেওবাৰে বিয়লি ভূমি বিবাদক কেন্দ্ৰ কৰি দুটা ফৈদৰ মাজত মাৰপিটৰ ঘটনা সংঘটিত হয় । দীৰ্ঘদিন ধৰি বিবাদিত ভূমিত শ্বহিদুল ইছলাম নামৰ যুৱকজনে খেতি কৰি আহিছিল । আজি শ্বহিদুল ইছলামে পত্নী ফাতেমা খাতুন, মাতৃ আৰু বৌয়েকক লৈ খেতিত কাম কৰিবলৈ যায় যদিও শ্বহিদুলে হঠাৎ কিবা কাৰণত ঘৰলৈ আহে ।
ভূমি বিবাদক কেন্দ্র কৰি কলগাছিয়াত তিনি মহিলাক আক্ৰমণ
সেই সুযোগ লৈ প্ৰতিপক্ষ ক্ৰমে জাহিদুল ইছলাম, বাছেৰ আলী, নছেৰ, তচেৰ আৰু ছায়েদ অলিয়ে শ্বহিদুলৰ পত্নী, মাতৃ আৰু বৌয়েকক আক্ৰমণ কৰে । লোককেইজনে সেইয়া তেওঁলোকৰ ভূমি বুলি দাবী কৰি তিনিওগৰাকী মহিলাক পথাৰৰ মাজতেই মাৰপিট কৰে ৷