শনিবাৰে 7.30 বজাৰ পৰা আৰম্ভ হ'ব বাক্সা জিলাৰ ভোটগণনা

ভোটগণনাৰ বাবে ইতিমধ্যে সাজু হৈ উঠিছে বাক্সা জিলাৰ তিনিওটা মহকুমাৰ মুঠ 11 টাকৈ সমষ্টি ৷ শনিবাৰে পুৱা প্ৰায় 7:30 বজাৰ পৰা আৰম্ভ হ'ব ভোটগণনা ৷

বাক্সা, 11 ডিচেম্বৰ :বাক্সা জিলাৰ তিনিওটা মহকুমা সদৰত শনিবাৰে পুৱা 7.30 বজাৰ পৰা আৰম্ভ হ'ব ভোটগণনা ৷ ভোটগণনাৰ বাবে ইতিমধ্যে বাক্সা জিলাৰ মুছলপুৰ, তামুলপুৰ আৰু শালবাৰী সদৰত সাজু হৈ উঠিছে সকলো ধৰণৰ ব্যৱস্থা ৷

তিনিওটা মহকুমাক সামৰি এঘাৰটা পৰিষদীয় সমষ্টিত মুঠ 70 গৰাকী প্ৰাৰ্থীয়ে প্ৰতিদ্বন্দিতা কৰিছে ৷ যাৰ ভিতৰত মুছলপুৰ মহকুমাত আছে 20 গৰাকী, তামুলপুৰত 38 গৰাকী আৰু শালবাৰীত 16 গৰাকী ৷ মুছলপুৰ মহকুমাত মুঠ 4 টা সমষ্টি থকাৰ বিপৰীতে শালবাৰী আৰু কামুলপুৰ মহকুমাত আছে ক্ৰমে 2 টা আৰু 5 টা সমষ্টি ৷ জিলা প্ৰশাসনে প্ৰদান কৰা তথ্য অনুসৰি জিলাখনৰ 932 টা ভোটকেন্দ্ৰত মুঠ ৭,৪১,৯১৯ গৰাকী ভোটাৰে ভোটদান কৰিছে ৷

লগতে পঢ়ক:দুই এক বিক্ষিপ্ত ঘটনাৰ মাজেৰে সমাপ্ত হ’ল বিটিচি নিৰ্বাচনৰ ভোটগ্ৰহণ