1 বজাৰ 10 টা শীৰ্ষ বাতৰি

1 বজাৰ 10 টা শীৰ্ষ বাতৰি

ৰিলায়েন্স জেনেৰেল ইঞ্চুৰেন্সৰ নতুন বছৰৰ উপহাৰ । যিহেতু সকলোৱে স্বাস্থ্য আৰু বিত্তীয় সুৰক্ষা বিচাৰে । তাৰ পৰিপ্ৰেক্ষিততে ৰিলায়েন্স জেনেৰেল ইঞ্চুৰেন্সে আগবঢ়াইছে এক বিশ্বজনীন অফাৰ । একাধিক লাভালাভেৰে সমগ্ৰ বিশ্বতে বৈধ ৫ কোটি টকাৰ নতুন স্বাস্থ্য বীমা আঁচনি আনিছে ৰিলায়েন্স জেনেৰেল ইঞ্চুৰেন্সে (5 Cr globally valid health cover from Reliance) । আনহাতে, কোৱাণ্ট আৰু এছবিআই মিউচুৱেল ফাণ্ডে বিপদাশংকামুক্ত আঁচনি উলিয়াইছে, যিয়ে চৰকাৰী চিকিউৰিটিত বিনিয়োগ কৰে আৰু সৰ্বাধিক বিত্তীয় সুৰক্ষা নিশ্চিত কৰে ।

জালিয়াতিৰ অভিযোগত গ্ৰেপ্তাৰ ভিডিঅ’কনৰ অধ্যক্ষ ভেনুগোপাল ধূটক (CBI arrests Videocon chairman)৷ চিবিআয়ে আইচিআইচিআই বেংকৰ প্ৰাক্ত চি ই অ’ তথা এম ডি চন্দা কোছাৰ আৰু তেওঁৰ স্বামী দীপক কোছাৰক গ্ৰেপ্তাৰ কৰাৰ দুদিন পিচতেই ভেনুগোপালকো (Videocon chairman Venugopal Dhoot) গ্ৰেপ্তাৰ কৰে ৷

মৰাণত মঙলবাৰে পুৱাই অস্বাভাৱিক পৰিৱেশ । নৱবৰ্ষৰ প্ৰাক ক্ষণত মঙলবাৰে পুৱতি নিশাৰ পৰা হোৱা শিলা বৃষ্টিৰ ফলত তুষাৰ শুভ্ৰ আচ্ছাদনে আৱৰি ধৰিছে মৰাণ অঞ্চলক (Snow cover at Moran) ৷ কাহানিও নেদেখা এই অস্বাভাৱিক পৰিৱেশ দেখি এতিয়া চিন্তিত হৈ পৰিছে মৰাণবাসী ।

ক’ভিডৰ পুনৰ প্ৰাদুৰ্ভাৱ ঘটাৰ পৰিপ্ৰেক্ষিতত আগতীয়াকৈ সাজু হৈছে দেশৰ স্বাস্থ্য মন্ত্ৰণালয় ৷ মঙলবাৰে সমগ্ৰ দেশৰ কেইবাখনো চিকিৎসালয়ত ক’ভিড সম্পৰ্কীয় এক ম’ক ড্ৰিল অনুষ্ঠিত কৰা হয় (Mock drill on covid preparedness) ৷ কেন্দ্ৰীয় স্বাস্থ্যমন্ত্ৰী মনসুখ মান্দাভিয়াৰ প্ৰত্যক্ষ তদাৰকীত অনুষ্ঠিত হয় এই ম’ক ড্ৰিল ৷

বন বিভাগৰ অহৰহ প্ৰচেষ্টাৰ অন্তত ট্ৰেংকুলাইজ কৰা হ’ল যোৰহাট জিলাৰ চটাইত ত্ৰাস চলোৱা নাহৰফুটুকীটোক (leopard tranquilized at Chatai) । কাজিৰঙাৰ পৰা অহা বিশেষ দলে ট্ৰেংকুলাইজ কৰে বাঘটোক (Tiger menace at Chatai) ৷ ১৭ জন কৈ লোকক আক্ৰমণ কৰিছিল বাঘটোৱে ৷ বাঘটো ইতিমধ্য বন বিভাগে চমজি লৈছে আৰু পৰৱৰ্তীকালত পৰীক্ষা-নিৰীক্ষা কৰি সিদ্ধান্ত গ্ৰহণ কৰিব বুলি জানিবলৈ দিছে (Many injured in tiger attack)।

গুৱাহাটী মহানগৰীৰ মাজমজিয়াত সংঘটিত হৈছে এক চাঞ্চল্যকৰ ঘটনা । মা কামাখ্যা নামৰ এখন বৃদ্ধাশ্ৰমৰ স্বত্বাধিকাৰীৰ প্ৰহাৰত আহত হৈছে দুগৰাকী যুৱতী (Old age home owner attack employee in Guwahati) ৷ বৃদ্ধাশ্ৰমখনৰ কৰ্মচাৰী যুৱতী দুগৰাকী । তিনি বছৰ ধৰি বৃদ্ধাশ্ৰমত কৰ্মৰত হৈ আছে যুৱতী দুগৰাকী ।

গোৱালপাৰা মৰনৈত ৰবৰ উদ্যোগৰ বিৰুদ্ধে ৰাইজৰ প্ৰতিবাদ (Protest against rubber industry)। ৰবৰ উদ্যোগে সৃষ্টি কৰা প্ৰদূষণ বন্ধ কৰাৰ দাবীত গ্ৰহণ কৰে এই প্ৰতিবাদী কাৰ্যসূচী । প্ৰতিবাদকাৰীসকলে মুখ্যমন্ত্ৰীৰ হস্তক্ষেপ বিচাৰি প্ৰেৰণ কৰিলে এখনি স্মাৰক পত্ৰও ৷

ধুবুৰী চহৰৰ বান্দৰপাৰৰ অৰ্ধ শতাধিক ভূমিহীন পৰিয়ালৰ বিননি শুনিব কোনে ? পাঁচ দশক ধৰি চৰকাৰী বঞ্চনাৰ বলি হৈ আহিছে এই পৰিয়াল সমূহ (landless families in Dhubri town) ৷ এটুকুৰা মাটি দিবৰ বাবে চৰকাৰলৈ হাত যোৰ কৰি আহ্বান এইসকল অসহায় লোকৰ ৷

আকাশী বা এৰিয়েল যোগাসন কৰি থকাৰ সময়তে ছ’চিয়েল মিডিয়াত শ্বেয়াৰ কৰিছে বলীউডৰ অভিনেত্ৰী তথা নতুন মাতৃ আলিয়া ভাটে । নতুন মাতৃ হিচাপে আলিয়াৰ দৰে এনেকৈ যোগাসন কৰাটো এগৰাকী নতুন মাতৃৰ বাবে উচিত নে অনুচিত, এই প্ৰতিবেদনৰ জৰিয়তে জানি লওক...

ৰাজ্যত পুনৰ এচিড আক্ৰমণৰ ঘটনা । এইবাৰে বৰপেটা জিলাৰ সৰ্থেবাৰীত কিশোৰীক এচিড আক্ৰমণ এজন যুৱকৰ (Barpeta acid attack case)। প্ৰেমৰ প্ৰস্তাৱ প্ৰত্যাখান কৰাই বিপদ হ'ল কিশোৰীগৰাকীৰ । অভিযুক্ত যুৱকক ইতিমধ্যে গ্ৰেপ্তাৰ কৰিছে মাজদিয়া আৰক্ষীয়ে ।