পুত্ৰৰ ভাল ফলাফলে চিন্তিত কৰিছে পিতৃক

তামুলপুৰ মহকুমাৰ গোৰেশ্বৰৰ বাঘডোবাৰ ঘনদীপ বসুমতাৰীয়ে দৰিদ্ৰতা জিনি হাইস্কুল শিক্ষান্ত পৰীক্ষাত ৯০%নম্বৰেৰে সুখ্যাতি অৰ্জন কৰিছে । ছাত্ৰজনৰ সফলতাকলৈ উৎফুল্লিত হৈ পৰিছে গাঁওবাসী । পিতৃয়েহে আনন্দ কৰিব পৰা নাই কাৰণ পুত্ৰক উচ্চ শিক্ষা দিবলৈ অসামৰ্থ তেঁও ।

তামুলপুৰ,১৭ মে' : তামুলপুৰ মহকুমাৰ গোৰেশ্বৰৰ বাঘডোবা গাৱঁৰ নৰেন বসুমতাৰীৰ পুত্ৰ ঘনদীপ বসুমতাৰীৰ ফলাফলে পৰিয়ালৰ লগতে গাঁওবাসীক উৎফুল্লিত কৰি তুলিছে যদিও নিৰলে চকুলো টুকিছে পিতৃয়ে । গোৰেশ্বৰ ৰেইনৱ ইংলীছ স্কুলৰ ছাত্ৰ ঘনদীপে সদ্য ঘোষিত হাইস্কুল শিক্ষান্ত পৰীক্ষাত আটাইকেইটা বিষয়তে লেটাৰ নম্বৰ লৈ ৯০% নম্বৰৰে কৃতকাৰ্য্য লাভ কৰিছে । বিজ্ঞান বিভাগত অধ্যয়ন কৰি ভৱিষ্যতে অভিযন্তা হোৱাৰ মন ঘনদীপৰ । কিন্তু ই ৰিক্সা চালাই পেটে ভাটে খাই থকা পিতৃয়ে কি দৰে পুত্ৰক আগলৈ পঢ়ুৱাব তাকে লৈ বিবুধিত পৰিছে । পৰৱৰ্তী পৰ্যায়ত পঢ়াব পৰাকৈ সামৰ্থ নাই ঘনদীপৰ পিতৃৰ ।সেই পুত্ৰৰ সাফল্যৰ পাছতো চকুলৈ টুকিছে এনেদৰে । দুৰ্ভগীয়া পিতৃয়ে এতিয়া সহায়ৰ বাবে চৰকাৰ তথা শুভাকাংক্ষীলৈ বাট চাইছে আৰু একান্তই অনুৰোধ কৰিছে সকলোকে ।