বাক্সাত অজগৰ উদ্ধাৰ

প্ৰকৃতি প্ৰেমী সংগঠন মাউজীগেন্দ্ৰীয়ে উদ্ধাৰ কৰা অজগৰডাল বন বিভাগৰ সহযোগত ককোলাবাৰীস্থিত মানাহ ৰাষ্ট্ৰীয় উদ্যানৰ শোৱালী কেম্পৰ ওচৰত এৰি দিয়া হয় ।

বাক্সা, 13 জুন: বুধবাৰে বাক্সা জিলাৰ কানাহা গাঁৱত উদ্ধাৰ হয় এডাল অজগৰ ৷ মানাহ অভয়াৰণ্যৰ পৰা মাত্ৰ 15 কিলোমিটাৰ নিলগত অৱস্থিত কানাহা গাঁও ৷ গাঁওবাসীয়ে অজগৰডাল প্ৰত্যক্ষ কৰি স্থানীয় প্ৰকৃতিপ্ৰেমী সংগঠন মাউজীগেন্দ্ৰীৰক খবৰ দিয়ে ৷ বন্যপ্ৰানীৰ বিষয়ে অঞ্চলটোত আগতেও সজাগতা বৃদ্ধিৰ চেষ্টা চলাই অহা সংগঠনটোৱে বন বিভাগৰ সহযোগত অজগৰডাল উদ্ধাৰ কৰি ককোলাবাৰীস্থিত মানাহ ৰাষ্ট্ৰীয় উদ্যান খনৰ শোৱালী কেম্পত মুকলি কৰি দিয়ে ৷ উদ্ধাৰ হোৱা অজগৰডালৰ ওজন আছিল প্ৰায় আঢ়ৈ কিলো ৷