বাক্সাৰ বজাৰত উচিত মূল্যৰ পৰা বঞ্চিত তামোলৰ খুচুৰা ব্যৱসায়ী

বাক্সা জিলাৰ ভাৰত ভূটান সীমান্তৰ পাটকিজুলী , কুমাৰীকাটা আদি বজাৰ কেইখনত বাহিৰৰ ব্যৱসায়ী নহাৰ ফলতেই স্থানীয় কৃষিজীৱি লোকসকলে তামোলৰ উচিত মূল্য পাবলৈ সক্ষম হোৱা নাই ৷

বাক্সা, 02 জুন : বাক্সা জিলাৰ বজাৰত তামোলৰ খুচুৰা ব্যৱসায়ীসকলৰ বিলৈ ! সপ্তাহিক বজাৰসমূহৰ খুচুৰা তামোলৰ ব্যৱসায়ীসকলে অধিক লাভৰ আশাত গাঁৱৰ কৃষকসকলৰ পৰা তামোল কিনে ৷ কিন্তু বাক্সা জিলাৰ ভাৰত ভূটান সীমান্তৰ পাটকিজুলী , কুমাৰীকাটা আদি বজাৰ কেইখনত বাহিৰৰ ব্যৱসায়ী নহাৰ ফলতেই স্থানীয় কৃষিজীৱী লোকসকলে তামোলৰ উচিত মূল্য পাবলৈ সক্ষম হোৱা নাই ৷

স্থানীয় ব্যৱসায়ীয়েসকলে খুচুৰা তামোলৰ ব্যৱসায়ী সকলৰ পৰা কম মূল্যতে তামোল ক্ৰয় কৰে ৷ যাৰ ফলত আজি পৰ্যন্ত তামোলৰ মূল্য বৃদ্ধি নোহোৱাৰ অভিযোগ তামোল-পানৰ খুচুৰা ব্যৱসায়ীসকলৰ ৷ জানিব পৰা মতে প্ৰতি কুন্টল তামোলত প্ৰতি বছৰে তিনি হাজাৰ টকাতকৈ অধিক মূল্যৰ বৃদ্ধি হোৱা পৰিলক্ষিত হোৱা নাই ৷