বৰমা, 18 জানুৱাৰী:সশস্ত্ৰ সংগ্ৰাম ত্যাগ কৰি আলোচনাৰ মেজলৈ অহা বি চাওৰাইগৌৰা নেতৃত্বাধীন এন ডি এফ বিক আদৰণি পিপুলচ ডেম'ক্ৰেটিক মুভমেন্ট অফ বড়োলেণ্ড নামৰ সংগঠনটোৰ ৷ বাক্সা জিলাৰ বৰমাত শনিবাৰে এক সংবাদমেলৰ আয়োজন কৰিম চমুকৈ পিডিএমবিয়ে এন ডি এফ বিৰ চাওৰাইগৌৰা গ্ৰু'পক আদৰণি জনায় কয় যে, এক দীৰ্ঘদিনীয়া প্ৰচেষ্টাৰ অন্তত এন ডি এফ বিয়ে ভাৰত চৰকাৰৰ সৈতে আলোচনা কৰি সমস্যা সমাধানৰ বাবে আগবাঢ়ি আহিছে ৷ পিডিএম বিৰ সভাপতি জেব্ৰাৰাম মোচাহাৰীয়ে জানিব দিয়া মতে ভাৰতীয় চোৰাংচোৱা সংস্থাৰ নিৰ্দেশত পি এম ডি বি য়ে ২০১৮ চনৰ পৰা এন ডি এফ বিৰ সৈতে যোগাযোগ কৰি আলোচনা প্ৰক্ৰিয়ালৈ অনাৰ চেষ্টা কৰিছিল ৷ অৱশেষত এন ডি এফ বিয়ে ভাৰত চৰকাৰৰ সৈতে আলোচনা কৰাৰ বাবে অহাতো ৰাজ্যখনৰ বাবে এক ভাল খবৰ ৷ অৱশ্যে বৰ্তমানলৈ সংগঠনৰ দুৰ্ধৰ্ষ সদস্য বি বিদাইসহ তিনিজন সদস্য এতিয়ালৈকে মূলসুঁতি লৈ অহা নাই যদিও অহা বিশ তাৰিখৰ পিচত এই তিনিজন সদস্য আলোচনা প্ৰক্ৰিয়াত যোগ দিব বুলি উল্লেখ কৰে জেব্ৰাৰাম মোচাহাৰীয়ে ৷
লগতে পঢ়ক:২০২১ৰ নিৰ্বাচনত বিজেপিৰ সান্দহখোৱা বালি তল যাব : মনজিৎ মহন্ত