মুছলপুৰত অগ্নিকাণ্ড: তিনিখন দোকান ভষ্মীভূত

নিশা মুছলপুৰ কোৱাৰ্টাৰ চ'কস্থিত তিনিখন দোকানত হঠাৎ অগ্নিসংযোগ হয় ৷ অগ্নিকাণ্ডত প্ৰায় চাৰিলাখ টকাৰ ক্ষয়-ক্ষতি হৈছে বুলি জানিব পৰা গৈছে ৷

চাপাগুৰি , 30 এপ্ৰিল : বাক্সা জিলাৰ মুছলপুৰত সোমবাৰে নিশা এক বিধ্বংসী অগ্নিকাণ্ড সংঘটিত হয় ৷ এই অগ্নিকাণ্ডটোত নিমিষতে তিনিখন দোকান জুইত জাহ যায় ৷

সোমবাৰে নিশা মুছলপুৰ কোৱাৰ্টাৰ চ'কত থকা তিনিখন দোকান হঠাৎ জ্বলি উঠে ৷ শ্বৰ্ট চাৰ্কিটৰ ফলতে এই অগ্নিকাণ্ড সংঘটিত হোৱা বুলি স্থানীয় ৰাইজে সন্দেহ প্ৰকাশ কৰিছে ৷ ইপিনে এই অগ্নিকাণ্ডত প্ৰায় চাৰিলাখ টকাৰ ক্ষয়-ক্ষতি হৈছে বুলি জানিব পৰা গৈছে ৷ অৱশ্যে পৰৱৰ্তী সময়ত ঘটনাস্থলীত অগ্নিনিৰ্বাপক বাহিনীৰ লোক উপস্থিত হৈ অগ্নিনিৰ্বাপন কৰে ৷