তামুলপুৰৰ গোৰেশ্বৰৰ গেৰুৱা নৈত সন্ধানহীন কিশোৰীৰ উদ্ধাৰ অভিযান অব্যাহত

তামুলপুৰ মহকুমাৰ গোৰেশ্বৰ থানাৰ অন্তৰ্গত বালাহাটী গাঁওত গোৰুৱা নৈত গা ধোবলৈ গৈ তিনিদিন ধৰি সন্ধানহীন হৈ আছে এগৰাকী ১৬ বছৰীয়া কিশোৰী ।

তামুলপুৰ 13 জুলাইঃ তামুলপুৰ মহকুমাৰ গোৰেশ্বৰ থানাৰ অন্তৰ্গত বালাহাটী গাঁওত গোৰুৱা নৈত গা ধোবলৈ গৈ তিনিদিন ধৰি সন্ধানহীন হৈ আছে এগৰাকী ১৬ বছৰীয়া কিশোৰী । জানিব পৰা মতে গুৱাহাটীৰ জু ৰোডৰ বাসিন্দা ৰাকেশ ডেকাৰ কন্যা ৰিংকী ডেকাই মাকৰ সৈতে গোৰেশ্বৰৰ বালাহাটী ত থকা মামাকৰ ঘৰত আইতাকৰ আদ্যশ্ৰাদ্ধ উপলক্ষে আহিছিল । 10জুলাইৰ দিনৰ 1 মান বজাত কিশোৰীগৰাকীয়ে পৰিয়ালৰ সমনীয়া ৰ সৈতে নৈত গা ধোবলৈ যায় ।

তামুলপুৰৰ গোৰেশ্বৰৰ গেৰুৱা নৈত সন্ধানহীন কিশোৰীৰ উদ্ধাৰ অভিযান অব্যাহত

নৈত গা ধুই থাকোতে হঠাৎ ৰিংকী পানীত নিখোজ হৈ পৰে বুলি সমনীয়াই পৰিয়ালক জানিবলৈ দিয়ে৷ ইয়াৰ পিচতে পৰিয়ালৰ লোকে স্থানীয় আৰক্ষী আৰু SDRF বাহিনীক খবৰ দিয়ে। আৰক্ষী আৰু SDRFবাহিনীয়ে ততালিকে ঘটনাস্থলীত উপস্থিত হৈ উদ্ধাৰ অভিযান চলাই যদিও আজি তিনিদিনে ছোৱালী জনীৰ কোনো সংসুত্ৰ উলিয়াব পৰা নাই । উল্লেখ্য যে SDRF বাহিনীৰ দুখন নাওৰে ১০তাৰিখৰ পৰা উদ্ধৰ অভিযান চলাই আছে।