বৰনদীৰ মথাউৰি নিৰ্মাণৰ কাম অসম্পূৰ্ণ শংকিত নৈ পৰিয়া ৰাইজ

বাক্সা জিলাৰ তামুলপুৰৰ গুৱাবাৰীৰ বৰনৈ পৰীয়া ৰাইজ এতিয়া চিন্তিত হৈ পৰিছে । আধৰুৱা হৈ আছে বৰনৈ পাৰৰ মথাউৰি নিৰ্মাণৰ কাম ৷ বাৰিষাৰ পূৰ্বে অতি শীঘ্ৰে উক্ত অঞ্চলটোত থকা মথাউৰিটোৰ নিৰ্মাণৰ কাম সম্পূৰ্ণ কৰিবলৈ চৰকাৰ প্ৰশাসনক আহ্বান জনাইছে স্থানীয় ৰাইজে ৷

বাক্সা, 28 এপ্ৰিলঃসমাগত বাৰিষাক লৈ চিন্তিত হৈ পৰিছে বাক্সাৰ গুৱাবাৰীৰ নৈ পৰিয়া ৰাইজ । এতিয়ালৈকে সম্পূৰ্ণ নহ'ল বৰনদীৰ পাৰৰ মথাউৰি নিৰ্মাণৰ কাম ৷

বৰনদীৰ মথাউৰি নিৰ্মাণৰ কাম অসম্পূৰ্ণ শংকিত নৈ পৰিয়া ৰাইজ

বিশ্ব ত্ৰাস ক'ৰণা ভাইৰাছত ভাৰতবৰ্ষতো ইতিমধ্যে 900 তকৈ অধিক লোকৰ মৃত্যুৰ হৈছে । সেয়ে দেশৰ প্ৰধানমন্ত্ৰী নৰেন্দ্ৰ মোদীৰ আহ্বান মৰ্মে এমাহতকৈ অধিক দিন লক ডাউন সম্পন্ন হৈছে । আনহাতে,ৰাজ্যত সমাগত বাৰিষা ৷ সেয়ে বাক্সা জিলাৰ তামুলপুৰ মহকুমাৰ অন্তৰ্গত নাগ্ৰীজুলীৰ গুৱাবাৰীৰ নৈ পৰীয়া ৰাইজ চিন্তিত হৈ পৰিছে । কাৰণ লক ডাউনৰ পূৰ্বেই স্থানীয় লোকসকলে বিটিচিৰ প্ৰাক্তন কাৰ্যবাহী সদস্য মহেশ্বৰ বসুমতাৰীৰ সাহাৰ্য পূজিৰে নাগ্ৰীজুলীৰ বৰনদীৰ পাৰৰ মথাউৰি নিৰ্মাণ কাম আৰম্ভ কৰিছিল। কিন্তু বৰ্তমান পৰিস্থিতিৰ বাবে বন্ধ হৈ পৰিছিল মথাউৰিটো নিৰ্মাণৰ কাম। আনহাতে,যোৱাটো বৰ্ষত অঞ্চলটোত বৰনদীৰ গৰাহখনীয়াত জাহ গৈছিল কেইবাটাও পৰিয়ালৰ ঘৰ- মাটি ভেটি । যিহেতু বাৰিষালৈ বেছি দিন নাই সেই লৈ এতিয়া নৈ পৰীয়া ৰাইজ শংকিত হৈ পৰিছে ৷ অতিশীঘ্ৰে বাৰিষাৰ পূৰ্বে উক্ত অঞ্চলটোত থকা মথাউৰিটো নিৰ্মাণৰ কাম সম্পূৰ্ণ কৰিবলৈ চৰকাৰ প্ৰশাসনক আহ্বান জনাইছে স্থানীয় ৰাইজে ৷

লগতে পঢ়ক- মঙলবাৰৰ পৰা খুলিব পাৰিব গ্ৰামাঞ্চলৰ দোকান-পোহাৰঃ কেবিনেটৰ সিদ্ধান্ত