বাক্সা, ২৪ মে' :আন্তঃজিলা যাতায়াত বন্ধৰ বাবে ৰাজ্য চৰকাৰে জাৰি কৰা নিৰ্দেশনা ধোৱাচাঙত উঠিছে বাক্সাৰ শালবাৰীত ৷ বাক্সা-বৰপেটা সংযোগী গোৱৰ্দ্ধনাত আৰক্ষীৰ সন্মুখেদি যাতায়ত কৰিছে অবৈধ শিলবালি কঢ়িওৱা ডাম্পাৰ, ট্ৰেক্টৰৰ লগতে বিভিন্ন সৰু বৰ গাড়ী ৷ একেদৰে শালবাৰীৰ কালপানী-গোৱৰ্দ্ধনা অঞ্চলত সান্ধ্য আইন উলংঘা কৰি দিনে ৰাতিয়ে অব্যাহত আছে শিল-বালি কঢ়িওৱা ডাম্পাৰৰ দৌৰাত্ম্য ৷
বাক্সাত সান্ধ্য আইন উলংঘন কৰি ডাম্পাৰৰ দৌৰাত্ম্য
শালবাৰীৰ আশে-পাশে থকা বিভিন্ন শিল-বালিৰ কুৱেৰীৰ পৰা দিনৰ ভাগৰ লগতে সন্ধিয়া ৬ বজাৰ পাছতো ডাম্পাৰে ডাম্পাৰে অবাধে ভিন্ন স্থানলৈ কঢ়িয়াই থকা হৈছে শিল-বালি ৷ নিশালৈ এনেদৰে সান্ধ্য আইন উলংঘা কৰি শিল-বালি কঢ়িওৱা কাৰ্য ভালেকেইদিন ধৰি অব্যাহত আছে যদিও এইক্ষেত্ৰত নিৰৱ ভূমিকা পালন কৰি আহিছে আৰক্ষীয়ে ৷