গোৰেশ্বৰত জুইত জাহ গ'ল লক্ষাধিক টকাৰ সম্পত্তি

গোৰেশ্বৰৰ বেটনা গাঁৱৰ গোবিন্দ ডেকাৰ নামৰ লোকজনৰ ঘৰত ভাৰাতীয়া হিচাপে থকা গৌৰাংগ দাস নামৰ লোকজনৰ ঘৰত টি.ভিত শ্বট চাৰ্কিট হোৱাৰ ফলত সূত্ৰপাত হয় বিধ্বংসী অগ্নিকাণ্ডৰ ৷

গোৰেশ্বৰ,17 চেপ্তেম্বৰঃ গোৰেশ্বৰত বিধ্বংসী অগ্নিকাণ্ডৰ ঘটনা ৷ লক্ষাধিক টকাৰ সম্পত্তি নষ্ট ৷ তামুলপুৰ মহকুমাৰ অন্তৰ্গত গোৰেশ্বৰৰ বিদ্যানগৰত সোমবাৰে বিয়লি প্ৰায় তিনি বজাত সংঘটিত হয় এই অগ্নিকাণ্ডৰ ঘটনা ৷ জানিব পৰা মতে,গোৰেশ্বৰৰ বেটনা গাঁৱৰ গোবিন্দ ডেকাৰ নামৰ লোকজনৰ ঘৰত ভাৰাতীয়া হিচাপে থকা গৌৰাংগ দাস নামৰ লোকজনৰ ঘৰত টি.ভিত শ্বট চাৰ্কিত হোৱাৰ ফলতেই অগ্নিকাণ্ডৰ সূত্ৰপাত হয় ৷ অগ্নিকাণ্ডৰ ফলত ঘৰত থকা চিলিণ্ডাৰ বিস্ফোৰণ হৈ অধিক ভয়াৱহ ৰূপ লয় আৰু নিমিষতে ঘৰটো জ্বলি চাৰখাৰ হয় ৷ ঘটনাস্থলীত অগ্নিনিৰ্বাপক বাহিনী আৰু গোৰেশ্বৰ আৰক্ষীৰ লোক উপস্থিত হৈ তৎকালীন ভাৱে জুই নুমোৱাৰ চেষ্টা কৰে ফলত বৃহৎ ক্ষতিৰ পৰা ৰক্ষা পৰিল বৃহত্তৰ অঞ্চলটো ৷