বিটিচিৰ কাৰ্য্যবাহী সদস্য বিজিৎ গৌৰা নাৰ্জাৰীৰ মনোনয়ন পত্ৰ দাখিল

সোমবাৰে বাক্সাৰ তামুলপুৰত মহকুমাধিপতিৰ কাৰ্যালয়ৰ ৰিটাৰ্ণিং বিষয়াৰ ওচৰত মনোনয়ন পত্ৰ দাখিল কৰে বিটিচিৰ কাৰ্যবাহী সদস্য বিজিৎ গৌৰা নাৰ্জাৰীয়ে ৷

বাক্সা,16 মাৰ্চঃ বিটিচিৰ দুৰ্গখ্যাত ২৬ নং দৰঙাজুলী পৰিষদীয় সমষ্টিৰ বিটিচিৰ কাৰ্যবাহী সদস্য বিজিৎ গৌৰা নাৰ্জাৰীয়ে সোমবাৰে তামুলপুৰ মহকুমাধিপতিৰ কাৰ্যালয়ৰ ৰিটাৰ্ণিং বিষয়াৰ ওচৰত মনোনয়ন পত্ৰ দাখিল কৰে । মনোনয়ন পত্ৰ দাখিলৰ সময়ছোৱাত বিজিৎ গৌৰা নাৰ্জাৰীক সংগ দিয়ে স্থানীয় বিধায়ক ইমানুৱেল মুছাহাৰী আৰু আঠ সহস্ৰাধিক সমৰ্থকে ।

বিজিৎ গৌৰা নাৰ্জাৰীয়ে কয় যে ,"এইবাৰ নিৰ্বাচনত পুনৰবাৰ ৰাইজে জয় যুক্ত কৰিব বুলি তেওঁ আশাবাদী আৰু ২৬ নং দৰঙাজুলীত সমষ্টিত তেওঁৰ সৈতে প্ৰতিদ্বন্দিতা আগবঢ়াবলৈ কোনো বিছাৰি পোৱা নাই । "লগতে সমষ্টিটোত ২৫ ৰ পৰা ৩০ হাজাৰ ভোটাৰ লাভ কৰিব বুলি জনোৱাৰ লগতে কয় , কৰ'ণা ভাইৰাছৰ কাৰণে বিটিচি নিৰ্বাচন পিচুৱাব বুলি কোনো কথা নাই কাৰণ তাৰ বাবে ৰাজ্য চৰকাৰে সজাগতা সৃষ্টিৰ বাবে ব্যৱস্থা গ্ৰহণ কৰিছে ।

উল্লেখ্য যে,মনোনয়ন পত্ৰ দাখিলৰ সময়ত বিজিৎ গৌৰা নাৰ্জাৰীৰ লগত উপস্থিত থাকি স্থানীয় বিধায়ক ইমানুৱেল মুছাহাৰীয়ে কয় যে, "নতুন কথা নহয় প্ৰতিটো নিৰ্বাচনতে বিপিএফে প্ৰত্যাহ্বানৰ সন্মুখীন হৈ আহিছো । তিনিটা নিৰ্বাচন আমি পাৰ কৰিছোঁ এইবাৰ চতুৰ্থ বাৰ নিৰ্বাচন, আগৰ নিৰ্বাচন কেইটা বেলেগ আছিল। আগতে অবড়োৰ ঢৌ আছিল এইবাৰ কোনো ধৰণৰ বৰ্হি প্ৰকাশ হোৱা নাই । গতিকে আমাৰ ৰাইজৰ ওচৰত যাবলৈ কোনো অসুবিধা নাই নিচ্ছিত ভাবে বিপিএফ দলে পুনৰ বাৰ বিটিচিত চৰকাৰ গঠন কৰিব ৷"

লগতে পঢ়কঃকৰ'নাৰ পৰা কেনেকৈ সুৰক্ষিত ৰাখিব শিশুক: শিশু ৰোগ বিশেষজ্ঞৰ পৰামৰ্শ