বাক্সাত গ্ৰাহক সেৱা কেন্দ্ৰত অসুবিধাৰ সন্মুখীন গ্ৰাহক

বৰ্তমান সময়ত দেশৰ সকলোবোৰ আগশাৰীৰ বেংকে গ্ৰাহক সেৱা কেন্দ্ৰৰ জৰিয়তে সেৱা আগবঢ়াই আছে । কিন্তু এই গ্ৰাহক সেৱা কেন্দ্ৰসমূহত গ্ৰাহকসকল সন্মুখীন হৈছে বিভিন্ন সমস্যাৰ ৷ বাক্সাৰ একাংশ নিৰক্ষৰ লোকে গ্ৰাহক সেৱা কেন্দ্ৰসমূহত একাউণ্ট খুলি নিজৰ সাচতীয়া ধন উলিয়াব নোৱাৰি বিমুখ হৈ ঘৰমুৱা হ'বলগীয়া হৈছে ।

বাক্সা,3আগষ্টঃ আপোনাৰ বাৰু গ্ৰাহক সেৱা কেন্দ্ৰত একাউন্ট আছে নেকি ? যদি আছে তেন্তে আপুনি সাৱধান! গ্ৰাহক সেৱা কেন্দ্ৰসমূহক 'বায়ো মেট্ৰিক পদ্ধতি'ৰে গ্ৰাহক সকলৰ তিনিটা আঙুলিৰ চাপেৰে একাউণ্টসমূহ সুৰক্ষিত কৰা হৈছে ৷ যদি আপোনাৰ আঙুলিৰ কিবা বিজুতি ঘটে তেন্তে নিজৰ একাউণ্টৰ লেনদেন কৰিব নোৱাৰিব আপুনি । যাৰ ফলত আন বহু গ্ৰাহকৰ দৰে আপুনিও বিমুখ হৈ ঘৰলৈ উভতি যাবলগীয়া সম্ভাৱনাই বেছি ৷ তাৰ পৰিণতিত কেতিয়াও নাপাব পাৰে আপোনাৰ সাচতীয়া ধন । ঠিক এনে এক ঘটনা সংঘটিত হৈছে বাক্সাত ৷ বাক্সাৰ একাংশ নিৰক্ষৰ লোকে গ্ৰাহক সেৱা কেন্দ্ৰসমূহত আঙুলিৰ ছাপ দিএকাউণ্ট খুলি নিজৰ সাচতীয়া ধন উলিয়াব নোৱাৰি বিমুখ হৈ ঘৰমুৱা হ'বলগীয়া হৈছে ।

পিচে গ্ৰামাঞ্চলৰ এই সকল গ্ৰাহকৰ বাবে 'বায়ো মেট্ৰিক পদ্ধতি' অবিহনে অন্য উপায়েৰে টকা উলিয়াব পৰা ব্যৱস্থা নকৰিলে নিজৰ সাঁচতীয়া ধন কেনেদৰে উলিয়াব পাৰিব সেয়া এতিয়াও অনিশ্চয়তাত ৷