বাক্মাত জিলা ভিত্তিত পাঞ্জা খেল প্ৰতিযোগিতা

কেইবাটাও শাখাত পুৰুষ-মহিলা উভয়েৰে সম্পন্ন হোৱা প্ৰতিযোগিতাখনত পৰিচালনা কৰে সদৌ অসম পাঞ্জা খেল সমিতিৰ সভাপতি পল্লৱ ঠাকুৰ,টেকনিকেল ডাইৰেক্টৰ জয়ন্ত মেধী আৰু কামৰূপ জিলাৰ সম্পাদক দেৱজিৎ শৰ্মাই ৷

তামুলপুৰ, 3 জুন: বাক্মাত জিলা ভিত্তিত পাঞ্জা খেল প্ৰতিযোগিতা সম্পন্ন ৷ দেওবাৰে বাক্মাৰ গোৰেশ্বৰৰ নাওকাটা বিহু সম্নিলনীৰ প্ৰেক্ষাগৃহত সদৌ অসম পাঞ্জা খেল সমিতিৰ অধীনত সদৌ বাক্মা জিলা পাঞ্জা খেল সমিতিৰ উদ্যোগত অনুষ্ঠিত কৰা হয় বাক্মা জিলা ভিত্তিত এখন পাঞ্জা খেল প্ৰতিযোগিতা ৷ কেইবাটাও শাখাত পুৰুষ-মহিলা উভয়েৰে সম্পন্ন হোৱা প্ৰতিযোগিতাখনত পৰিচালনা কৰে সদৌ অসম পাঞ্জা খেল সমিতিৰ সভাপতি পল্লৱ ঠাকুৰ,টেকনিকেল ডাইৰেক্টৰ জয়ন্ত মেধী আৰু কামৰূপ জিলাৰ সম্পাদক দেৱজিৎ শৰ্মাই ৷ খেলখনত উপস্থিত থাকে ৰাজ্যিক সমিতিৰ কোষাধ্যক্ষ দীপক টেৰণ আৰু শান্তনু কুমাৰ দাস। খেলখনৰ পুৰুষৰ 50 কেজি শাখাত চেম্পিয়ন হয় ৰুবুল কলিতা,60 কেজি শাখাত কুণাল কুমাৰ,65 কেজি শাখাত ভূষণ ৰয় আৰু 70 কেজি শাখাত চেম্পিয়ন হয় অনিশ নাৰ্জাৰী। মহিলাৰ 50 কেজি শাখাত জোনালী বৈশ্য আৰু 60 কেজি শাখাত চেম্পিয়ন হয় সঞ্চায় নাৰ্জাৰী। উল্লেখ্য যে,খেলখনত চেম্পিয়ন,দ্বিতীয় আৰু তৃতীয় স্থান প্ৰাপ্ত খেলুৱৈ সকলে অংশগ্ৰহণ কৰিব পাৰিব অহা 14 আৰু 15 জুন তাৰিখে নগাঁৱত অনুষ্ঠিত হ'বলগীয়া সদৌ অসম পাঞ্জা খেল প্ৰতিযোগিতাত ৷