বৰমাত পথ দুৰ্ঘটনা: বাইক আৰোহীৰ মৃত্যু

বৰমাত ভয়ংকৰ পথ দুৰ্ঘটনাত থিতাতে নিহত এজন ব্যক্তি ৷ নিহত ব্যক্তিজন ৰে’ল বিভাগৰ অৱসৰপ্ৰাপ্ত কৰ্মচাৰী মংগল সিং নাৰ্জাৰী ৷

বৰমা,19 এপ্ৰিল: বাক্সা জিলাৰ বৰমাত ভয়ংকৰ পথ দুৰ্ঘটনা সংঘটিত ৷ ট্ৰাক-বাইকৰ মুখামুখি সংঘৰ্ষৰ ফলত থিতাতে নিহত হয় এজন ব্যক্তি ৷ মুছলপুৰ অভিমুখী এএছ 01 এফ 1477 নম্বৰৰ তীব্ৰবেগী এখন মালবাহী ট্ৰাকে খুন্দিওৱাৰ ফলত থিতাতে নিহত হয় ব্যক্তিগৰাকী ৷

নিহত ব্যক্তিজন ৰে’ল বিভাগৰ অৱসৰপ্ৰাপ্ত কৰ্মচাৰী মংগল সিং নাৰ্জাৰী বুলি জানিব পৰা গৈছে ৷ বৰমা আঞ্চলিক বাথৌ কমিটিৰ সভাপতি আছিল মৃত নাৰ্জাৰী ৷ ব্যক্তিগৰাকীৰ মৃত্যুত বৰমা বাথৌ সমিতিয়ে শোক প্ৰকাশ কৰে ৷

লগতে পঢ়ক :ক'ভিড পৰিস্থিতিৰ বাবে বাতিল শিৱসাগৰৰ বিহু অনুষ্ঠান