প্ৰসংগ লাফিকুল ইছলাম হত্যাকাণ্ড : ন্যায়ৰ আশাত 3 বছৰ অতিক্ৰম

লাফিকুল ইছলামৰ হত্যাক লৈ পুনৰ প্ৰতিক্ৰিয়া প্ৰকাশ কৰিছে নেকি এ বি এমছুৰ সাধাৰণ সম্পাদক টাইচন হুছেইনে । কোকৰাঝাৰ জিলাত বিটিচি নিৰ্বাচনৰ প্ৰচাৰ চলাবলৈ গৈ সংবাদ মাধ্যমৰ আগত প্ৰকাশ কৰিছে এই মন্তব্য ৷

বাক্সা, 15 নৱেম্বৰ :2017 চনৰ এ বি এমছুৰ তদানীন্তন সভাপতি লাফিকুল ইছলামৰ হত্যাক লৈ পুনৰ প্ৰতিক্ৰিয়া প্ৰকাশ কৰিছে এ বি এমছুৰ সাধাৰণ সম্পাদক টাইচন হুছেইনে । কোকৰাঝাৰ জিলাত বিটিচি নিৰ্বাচনৰ প্ৰচাৰ চলাবলৈ গৈ সংবাদ মাধ্যমৰ আগত মন্ত্ৰী হিমন্ত বিশ্ব শৰ্মাই হত্যাকাৰীক CBI য়ে চিনাক্ত কৰা বুলি মন্তব্য প্ৰদান কৰা কথাৰ প্ৰতিক্ৰিয়া প্ৰকাশ কৰিছে নেতা গৰাকীয়ে ৷

নিৰ্বাচনী সভাত ভাষণ ৰাখি পুনৰ মন্ত্ৰী হিমন্ত বিশ্ব শৰ্মাই কৈছিল যে, বিজেপিয়ে বিটিচিত শাসনলৈ আহিলে দুমাহৰ ভিতৰত হত্যাকাৰীক ৰাইজৰ মাজলৈ লৈ অহা হ'ব বুলি মন্তব্য প্ৰদান কৰে ৷ ইফালে, বিগত তিনিটা বছৰে আন্দোলন কৰাৰ পিচতো হত্যাকাৰীক গ্ৰেপ্তাৰ কৰিব নোৱাৰা বুলি চৰকাৰক কঠোৰ ভাষাৰে সমালোচনা কৰে নেতা গৰাকীয়ে ।

ইফালে, হিমন্ত বিশ্ব শৰ্মাৰ মন্তব্যৰ পিচতো এবিএমছুৰ সম্পাদক গৰাকীয়ে পুনৰ কয় যে, CBI য়ে যদি লাফিকুলৰ হত্যাকাৰীক চিনাক্ত কৰিছে হত্যাকাৰীৰ গ্ৰেপ্তাৰৰ ক্ষেত্ৰত বিজেপি দলে CBI ক বাধা প্ৰদান কৰিছে নেকি বুলিও গুৰুত্বৰ অভিযোগ উত্থাপন কৰিছে । সৰ্বানন্দ সোণোৱাল আৰু হিমন্ত বিশ্ব শৰ্মাৰ যদি সদিচ্ছা আছে বিটিচি নিৰ্বাচনৰ পূৰ্বেই হত্যাকাৰীক গ্ৰেপ্তাৰ কৰাৰ প্ৰত্যাহ্বান জনাই নেতা গৰাকীয়ে ।

লগতে পঢ়ক :শক্তি বিভাগৰ আজৱ কাণ্ড : এটা বাল্ব জ্বলোৱাৰ বিনিময়ত হাজাৰ হাজাৰ বিল