বিশ্বৰ সৰ্ববৃহৎ নাওখেল প্ৰতিযোগিতাখন

বিশ্বৰ সৰ্ববৃহৎ নাওখেল প্ৰতিযোগিতাখনৰ শুভ উদ্বোধন কৰে ক্ৰিকেটৰ ভগৱান শচীন তেণ্ডুলকাৰে ৷ কেৰালাৰ আলাপুজা চহৰৰ পুন্নামডা হ্ৰদত প্ৰতিবছৰে অনুষ্ঠিত হৈ আহিছে বিশ্বৰ সৰ্ববৃহৎ নাওখেল প্ৰতিযোগিতাখন ৷

স্পৰ্টছ ডেস্ক, 1 ছেপ্তেম্বৰঃদেশ তথা বিশ্বৰ ভিতৰতে সৰ্ববৃহৎ নাওখেল প্ৰতিযোগিতাখন আৰম্ভ হয় কেৰালাৰ আলাপুজাত ৷ আলাপুজা চহৰৰ পুন্নামডা হ্ৰদত প্ৰতিবছৰেই অনুষ্ঠিত হৈ আহিছে নেহৰু ট্ৰফী নামৰ বিশেষ নাওখেল প্ৰতিযোগিতাখন ৷ স্বাধীন ভাৰতৰ প্ৰথমগৰাকী প্ৰধানমন্ত্ৰী পণ্ডিত জৱাহৰলাল নেহৰুৰ নামত চলি অহা প্ৰতিযোগিতাখনে এইবেলি 67 বৰ্ষত ভৰি দিছে ৷ ক্ৰিকেটৰ ভগৱান শচীন তেণ্ডুলকাৰ আৰু কেৰালাৰ প্ৰাক্তন মুখ্যমন্ত্ৰী পিন্নাৰাই বিজয়নে উদ্বোধন কৰে চলিত বৰ্ষৰ প্ৰতিযোগিতাখন ৷

সৰ্বমুঠ 79খন নাৱে এইবেলি প্ৰতিযোগিতাত অংশগ্ৰহণ কৰে ৷ ইয়াৰ ভিতৰত পল্লাথুৰুটি ব'ট ক্লাৱৰ নাডুমভাগোম নাওখনে প্ৰথমস্থান অধিকাৰ কৰাৰ লগতে চম্পাকুলাম চুন্দন নাওখনে দ্বিতীয় স্থান দখল কৰাৰ বিপৰীতে তৃতীয় স্থান দখল কৰে কাৰিচ্ছাল নাওখনে ৷

আনহাতে চলিত বৰ্ষৰ পৰা প্ৰতিযোগিতাখনত এক নতুন ৰূপ দিয়া হয় ৷ ইণ্ডিয়ান প্ৰিমিয়াৰ লীগ চমুকৈ আইপিএলৰ দৰেই এইবেলিৰ পৰা অনুষ্ঠিত কৰা হ'ব প্ৰতিযোগিতাখন ৷ এতিয়াৰে পৰা আইপিএলৰ দৰে চেম্পিয়ন ব'ট লীগ নামে অনুষ্ঠিত হ'ব প্ৰতিযোগিতাখন ৷ সেই অনুসৰি, চিবিএল আগষ্ট মাহৰ 31 তাৰিখৰ পৰা নবেম্বৰ মাহৰ 23তাৰিখলৈ অনুষ্ঠিত হ'ব ৷ সৰ্বাধিক 12টাকৈ স্থানত 12খন ৰেচ অনুষ্ঠিত হ'ব য'ত 9খনকৈ স্নেক ব'টৰ লগতে 100ৰো অধিক নাৱৰীয়াই প্ৰথম স্থানৰ বাবে যুঁজ দিব ৷