কাগজ কলম এৰি তেজপুৰৰ খেলপথাৰত উপায়ুক্ত আৰু সাংবাদিক - উপায়ুক্ত তেজপুৰ
দেশৰ 73 সংখ্যক স্বাধীনতা দিৱসৰ লগত সংগতি ৰাখি বৃহস্পতিবাৰে বিয়লি তেজপুৰৰ পল'গ্ৰাউণ্ডত শোণিতপুৰ জিলা উপায়ুক্ত একাদশ আৰু শোণিতপুৰ জাৰ্ণেলিষ্ট ইউনিয়নৰ মাজত প্ৰীতি ফুটবল খেল অনুষ্ঠিত
football competition on independence day tezpur
তেজপুৰ,17 আগষ্টঃ কলম এৰি এইবাৰ খেল পথাৰত নামিল শোণিতপুৰ জাৰ্ণেলিষ্ট ইউনিয়নৰ সদস্য সাংবাদিকসকল,ৰৈ নাথাকিল সদাব্যস্ত বৈদ্যুতিণ মাধ্যমৰ ফটো সাংবাদিক সকলো ৷ দেশৰ 73 সংখ্যক স্বাধীনতা দিৱসৰ লগত সংগতি ৰাখি বৃহস্পতিবাৰে বিয়লি তেজপুৰৰ পল'গ্ৰাউণ্ডত শোণিতপুৰ জিলা উপায়ুক্ত একাদশ আৰু শোণিতপুৰ জাৰ্ণেলিষ্ট ইউনিয়নৰ মাজত এখন প্ৰীতি ফুটবল খেল অনুষ্ঠিত হয় ৷ এই প্ৰীতি ফুটবল খেলত জাৰ্ণেলিষ্ট ইউনিয়নে উপায়ুক্ত একাদশক ৩-১ গ'লত পৰাজিত কৰে ৷ খেলখনত উপায়ুক্ত একাদশক নেতৃত্ব দিয়ে উপায়ুক্ত নৰসিং পাৱাৰে,আনহাতে জাৰ্ণেলিষ্ট ইউনিয়ন একাদশক নেতৃত্ব দিয়ে ইউনিয়নৰ সাধাৰণ সম্পাদক মনোজ কুমাৰ শইকীয়াই ৷ খেলখনত অতিৰিক্ত উপায়ুক্তইও অংশগ্ৰহণ কৰে ৷ স্থানীয় ৰাইজৰ উপস্থিতিত সাংবাদিক আৰু প্ৰশাসনিক বিষয়াসকলে আনন্দ আৰু উৎসাহেৰে খেলখনত ভাগ লোৱা পৰিলক্ষিত হয় ৷
কাগজ কলম এৰি তেজপুৰৰ খেলপথাৰত উপায়ুক্ত আৰু সাংবাদিক