স্পৰ্টছ ডেস্ক, ৪ আগষ্ট: ১৭ অক্টোবৰৰ পৰা আৰম্ভ হ'ব বহু প্ৰতীক্ষিত টি-২০ বিশ্বকাপ(T20 World Cup) । ২৪ অক্টোবৰত পাকিস্তানৰে মুখামুখি হ'ব ভাৰতৰ ক্ৰিকেট দল । এইবাৰ ডুবাই আৰু ওমানত টি-২০ বিশ্বকাপ(T20 World Cup)ৰ খেলসমূহ অনুষ্ঠিত হ'ব । ২৪ অক্টোবৰত ভাৰত-পাকিস্তানৰ মাজত অনুষ্ঠিত হ'বলগীয়া খেলখন ডুবাইত অনুষ্ঠিত হ'ব ।
এক বিশেষ সূত্ৰই এই কথা জানিবলৈ দিছে । যোৱা মাহত আন্তঃৰাষ্ট্ৰীয় ক্ৰিকেট পৰিষদে (International Cricket Council) টি-২০ বিশ্বকাপ(T20 World Cup) আৰম্ভ হোৱাৰ দিন আৰু স্থান ঘোষণা কৰিছিল । ভাৰত আৰু পাকিস্তানক চুপাৰ ১২ৰ গ্ৰুপ ২ত ৰখা হৈছে । চলিত বৰ্ষৰ ২০ মাৰ্চলৈকে দলৰ ৰেংকিঙৰ আধাৰত বাছনি কৰা হৈছে গোটবোৰ ।