স্পৰ্টছ ডেস্ক, 1 নৱেম্বৰ : আজি প্ৰাক্তন ভাৰতীয় ক্ৰিকেটাৰ ভি ভি এছ লক্ষ্মণৰ জন্মদিন ৷ ভি ভি এছ লক্ষ্মণৰ সম্পূৰ্ণ নাম ভাংগীপুৰপু ভেংকট সাই লক্ষ্মণ ৷ তেওঁ এনে এগৰাকী খেলুৱৈ যিয়ে এখনো এদিনীয়া ক্ৰিকেট বিশ্বকাপত ভুমুকি নমৰাকৈয়ে 100 খন টেষ্ট মেছ খেলিছিল ৷
টেষ্ট ক্ৰিকেটত middle-order বেটছমেন হিচাপে খেলিছিল সোঁহতীয়া খেলুৱৈগৰাকীয়ে ৷ 2002 চনত Wisden's five Cricketers of the Yearত তেওঁৰ নাম অন্তৰ্ভূক্ত হৈছিল ৷ ঘৰুৱা ক্ৰিকেটত লক্ষ্মণে হায়দৰাবাদৰ হৈ খেলিছিল ৷ বৰ্তমান তেওঁ IPLৰ হায়দৰাবাদৰ দলটোৰ মেন্টৰ ৷
ইয়াৰ উপৰিও County ক্ৰিকেটত তেওঁ Lancashireৰ হৈ খেলিছিল ৷ আই পি এলৰ উদ্বোধনী সংস্কৰণত তেওঁ ডেক্কেন চাৰ্জাৰ্ছ দলৰ অধিনায়ক আছিল ৷ পৰৱৰ্তী সময়ত তেওঁ IPLত কোচী টাস্কাৰ্ছৰ হৈ খেলিছিল ৷