ইংলেণ্ডৰ বেগীবলাৰ জফ্ৰা আৰ্চাৰক ইতিমধ্যে ৱেষ্ট ইণ্ডিজ ক্ৰিকেট দলৰ বেগীবলাৰ কেমাৰ ৰ'চৰ সকীয়নি । বন্ধুত্বৰ কোনো স্থান নাই বুলি উল্লেখ কৰিছে কেৰেবিয়ান খেলুৱৈগৰাকীয়ে । লগতে ৱেষ্ট ইণ্ডিজ দলটোৱে ইংলেণ্ডৰ বিৰুদ্ধে জয় সুনিশ্চত কৰাৰ ওপৰত অধিক মনোনিৱেশ কৰিছে বুলিও কয় ৰ'চে । এক ৱেবচাইটত এই কথা উল্লেখ কৰিছে খেলুৱৈগৰাকীয়ে ।
আৰ্চাৰক সকীয়নি কেমাৰ ৰ'চৰ
উল্লেখ্য যে, দৰ্শকবিহীন ভাৱে অনুষ্ঠিত কৰা হ'ব এই টেষ্ট শৃংখলা । কৰ'ণা ভাইৰাছৰ সংক্ৰমণৰ প্ৰতি লক্ষ্য ৰাখিয়ে এই সিদ্ধান্ত গ্ৰহণ কৰা হৈছে ।
মন কৰিবলগীয়া কথা এই যে, এই শৃংখলাত বলাৰে বলত চুইং লাভৰ বাবে থুঁ অথবা চালাইভাৰ ব্যৱহাৰ কৰিব নোৱাৰিব । গতিকে সেই দৃষ্টিকোণেৰেও বহু খেলুৱৈ তথা ক্ৰিকেট অনুৰাগীৰো এই শৃংখলাৰ ওপৰত অধিক দৃষ্টি নিৱদ্ধ হৈ থাকিব ।
এই সন্দৰ্ভত কেমাৰ ৰ'চেও এই প্ৰতিবন্ধকতা বলাৰৰ বাবে কঠিন প্ৰত্যাহ্বান হিচাপে থিয় দিব বুলি স্বীকাৰ কৰে । লগতে বৰ্তমান সময়ত ইংলেণ্ডৰ জলবায়ুও ঘাম নিৰ্গত কৰাৰ ক্ষেত্ৰত বাধাৰ সৃষ্টি কৰিব বুলি উল্লেখ কৰিছে খেলুৱৈগৰাকীয়ে ।
