নিউজ ডেস্ক, 12 জুলাইঃ প্ৰাক্তন ভাৰতীয় ক্ৰেকেটাৰ তথা বৰ্তমানৰ সাংসদ গৌতম গম্ভীৰে মহেন্দ্ৰ সিং ধোনীৰ সৈতে কটোৱা সময়ৰ স্মৃতি ৰোমন্থন কৰে ৷ তেওঁ ধোনীৰ ছুলী দীঘল হৈ থকাৰ সময়ৰ কথা মনত পেলাই, যেতিয়া ধোনী আৰু গম্ভীৰ একেটা ৰুমতে ডেৰমাহ সময় একেলগে কটাইছিল ৷
বিশ্বকাপ 2011ৰ বিশ্বজয় কৰা ধোনী-গম্ভীৰৰ স্মৰণীয় যুটী গম্ভীৰে কয় যে, প্ৰায়ে তেওঁলোকে ধোনীৰ ছুলীৰ বিষয়ে আলোচনা কৰিছিল ৷ কেনেদৰে দীঘল ছুলী ধোনীয়ে নিয়ন্ত্ৰণ কৰি ৰাখে তাকেলৈ চলিছিল আলোচনা ৷ আনহাতে প্ৰথম সপ্তাহত তেওঁলোকক থাকিবলৈ দিয়া কোঠাতো বহুত সৰু আছিল ৷ যাৰ বাবে কোঠাটোত খালী ঠাই উলিয়াবলৈ তেওঁলোক দুয়োজনে তাত থকা বিছনা কেইখন আঁতৰাই মজিয়াত শুৱাৰ সিদ্ধান্ত লৈছিল ৷ সেই সময়খিনিত দুয়োগৰাকী খেলুৱৈ যুৱ আছিল আৰু সেয়ে সেই সময়খিনি অতিকে স্মৰণীয় বুলি উল্লেখ কৰে গম্ভীৰে ৷
বিশ্বকাপ 2011ৰ বিশ্বজয় কৰা ধোনী-গম্ভীৰৰ স্মৰণীয় যুটী আনহাতে দক্ষিণ আফ্ৰিকাৰ প্ৰাক্তন অধিনায়ক তথা বৰ্তমান আফ্ৰিকান ক্ৰিকেট বৰ্ডৰ সঞ্চালক গ্ৰেম স্মিথে কয় যে, বিশ্ব ক্ৰিকেটত এনে এজন বৰ্তমামৰ খেলুৱৈ পোৱাটো কঠিন যিয়ে ধোনীৰ সান্নিধ্য পোৱা নাই ৷
ধোনীয়ে 2004 চনত বাংলাদেশৰ বিৰুদ্ধে আন্তঃৰাষ্ট্ৰীয় ক্ৰিকেটত অভিশেষ ঘটাইছিল ৷ তেওঁ এতিয়ালৈ 90 খন টেষ্ট, 350 খন এদিনীয়া, আৰু 98 খন টি-20 খেল খেলিছে ৷ ধোনীয়ে আন্তঃৰাষ্ট্ৰীয় ক্ৰিকেটত সংগ্ৰহ কৰিছে 17 হাজাৰৰো অধিক ৰান ৷ 2019 ক্ৰিকেট বিশ্বকাপৰ ছেমি-ফাইনেলখনৰ পাচত ধোনীক খেলপথাৰত দেখিবলৈ পোৱা নায় ৷ ধোনীৰ বহু অনুগামীয়ে খেলপথাৰত তেওঁক দেখাৰ গভীৰ আশাৰে বাট চাই আছে ৷
লগতে পঢ়কঃবিশ্বৰ ভিন্ন প্ৰান্তত কৰ'ণা মহামাৰীৰ শেহতীয়া খবৰ
