অচিৰেই মাজুলীত নিৰ্মাণ হ'ব ক্ৰিকেট ষ্টেডিয়াম

মাজুলীৰ খেলুৱৈ আৰু ক্ৰীড়াপ্রেমীলৈ সুখবৰ । অচিৰেই নিৰ্মাণ হ'ব মাজুলীত ক্ৰিকেট ষ্টেডিয়াম ৷ নিৰ্মাণ কৰিব অসম ক্ৰিকেট সন্থাই ।

মাজুলী, 22 ছেপ্তেম্বৰ : মাজুলী তথা ৰাজ্যৰ ক্ৰীড়াপ্ৰেমীৰ বাবে সুখবৰ ৷ মুখ্যমন্ত্ৰী সৰ্বানন্দ সোণোৱালৰ নেতৃত্বত মাজুলীত অচিৰেই নিৰ্মাণ হ'ব অত্যাধুনিক ক্ৰিকেট ষ্টেডিয়াম ৷ প্ৰায় 6 মাহৰ ভিতৰতে ষ্টেডিয়ামখন নিৰ্মাণ কৰি উলিওৱা হ'ব ৷

অচিৰেই মাজুলীত নিৰ্মান হ'ব ক্ৰিকেট ষ্টেডিয়াম

ইয়াৰ সৈতে সংগতি ৰাখি মাজুলীত উপস্থিত হয় অসম ক্ৰিকেট সন্থাৰ সভাপতি ৰমেন দত্তৰ নেতৃত্বত এটি দল ৷ মাজুলীৰ বিভিন্ন অঞ্চলৰ খেলুৱৈ আৰু মাজুলীৰ ভিন্ন অ-ৰাজনৈতিক দল সংগঠনৰ লগত মত বিনিময় কৰে এই দলটোৱে ৷ ইয়াৰোপৰি মাজুলীৰ কমলাবাৰীত মাজুলীৰ ক্ৰিয়া প্ৰকল্প খেলপথাৰখনক অত্যাধুনিক ধৰণে নিৰ্মাণ কৰি খেলুৱৈৰ অনুশীলনৰ বাবে প্ৰস্তুত কৰি উলিয়াব ৷

পৰিকল্পিত ষ্টেডিয়ামখন সম্পূৰ্ণ হৈ উঠাৰ লগে লগে মাজুলীত অনুষ্ঠিত হ'ব জিলা আৰু ৰাজ্যিক পৰ্যায়ৰ ক্ৰিকেট খেলসমূহ । মাজুলীৰ প্ৰায়বোৰ অৰাজনৈতিক দল- সংগঠনে এই প্ৰচেষ্টাক আদৰণি জনায় ।

লগতে পঢ়ক :ধুবুৰীত আইপিএল ক্ৰিকেটৰ নামত চলিছে জুৱা