ৰাজস্থানত মহম্মদ আজহাৰ উদ্দিনৰ বাহন দুৰ্ঘটনাগ্ৰস্ত

মহম্মদ আজহাৰ উদ্দিনৰ বাহন দুৰ্ঘটনাত পতিত । পৰিয়ালৰ সৈতে ৰাজস্থানৰ ৰান্থামব'ৰ ৰাষ্ট্ৰীয় উদ্যানলৈ গৈছিল আজহাৰ । কথমপি গুৰুতৰভাৱে আহত হোৱাৰ পৰা ৰক্ষা পৰে আজহাৰ আৰু তেওঁৰ পৰিয়াল ।

স্পৰ্টছ ডেস্ক, ৩০ ডিচেম্বৰ: বুধবাৰে ভাৰতীয় ক্ৰিকেট দলৰ প্ৰাক্তন অধিনায়ক আৰু বৰ্তমান হাইদৰাবাদ ক্ৰিকেট এছ'চিয়েছনৰ অধ্যক্ষ মহম্মদ আজহাৰ উদ্দিনৰ বাহন দুৰ্ঘটনাগ্ৰস্ত হয় । ৰাজস্থানৰ ছৱাই মধোপুৰত এই ভয়াৱহ দুৰ্ঘটনা সংঘটিত হয় । পৰিয়ালৰ সৈতে ৰাজস্থানৰ ৰান্থামব'ৰ ৰাষ্ট্ৰীয় উদ্যানলৈ গৈ আছিল আজহাৰ । কথমপি গুৰুতৰভাৱে আহত হোৱাৰ পৰা আজহাৰ আৰু তেওঁৰ পৰিয়াল ৰক্ষা পৰে আৰু ততাতৈয়াকৈ হোটেললৈ উভতি যায় ।

আনহাতে, দুৰ্ঘটনাত বাহনখনৰ সন্মুখৰ অংশ সম্পূৰ্ণৰূপে ক্ষতিসাধন হয় । এক বিশেষ সূত্ৰই প্ৰকাশ কৰা তথ্য অনুসৰি, নৱবৰ্ষ উদযাপনৰ বাবে পৰিয়ালসহ ৰাজস্থানলৈ গৈছিল আজহাৰ উদ্দিন । উল্লেখ্য যে, ২০১৯ চনত হাইদৰাবাদ ক্ৰিকেট এছ'চিয়েছনৰ অধ্যক্ষ হিচাপে নিৰ্বাচিত হয় আজহাৰ । শেহতীয়াকৈ আহমেদাবাদত অনুষ্ঠিত বি চি চি আইৰ বাৰ্ষিক সাধাৰণ সভাতো তেওঁ অংশ লৈছিল ।

লগতে পঢ়ক:অষ্ট্ৰেলিয়াৰ কিংবদন্তীয়ে ৰাহানেৰ নেতৃত্বক প্ৰশংসা কৰাত আনন্দিত হৈছো : গাভাস্কাৰ