স্পৰ্টছ ডেস্ক, ২০ আগষ্ট: শ্ৰীলংকাত নিৰ্ধাৰিত সময়তে অনুষ্ঠিত হ'ব পাকিস্তান(Pakistan) আৰু আফগানিস্তান(Afghanistan)ৰ মাজত এদিনীয়া শৃংখলা । যোৱা সপ্তাহত তালিবানে কাবুল দখল কৰাৰ পাছতো আফগানিস্তানৰ দলটোৱে এদিনীয়া শৃংখলাত অংশ ল'বলৈ সাজু হৈছে বুলি জানিবলৈ দিছে দেশখনৰ ক্ৰিকেট ব'ৰ্ডৰ মুখ্য কাৰ্যবাহী বিষয়া হামিদ শিনৱাৰী(Hamid Shinwari)য়ে ।
তেওঁ কয় যে, আফগান ক্ৰিকেট দলটোৱে খুব ভাল প্ৰদৰ্শন কৰি আছে । ক্ৰিকেট দলটোৱে এদিনীয়া শৃংখলাৰ বাবে প্ৰস্তুতি চলাই আছে । আফগানিস্তান ক্ৰিকেট ব'ৰ্ড(Afghanistan Cricket Board)ৰ তৰফৰ পৰা শীঘ্ৰেই শ্ৰীলংকালৈ এটা দল প্ৰেৰণ কৰা হ'ব বুলিও তেওঁ জানিবলৈ দিয়ে । শিনৱাৰীয়ে কয় যে, আফগানিস্তানত বৰ্তমান পৰিস্থিতি সুস্থিৰ নহয় আৰু সেয়ে বিমান পৰিবহণৰ ক্ষেত্ৰতো প্ৰভাৱ পৰিলক্ষিত হৈছে । লগতে বিমানৰ উপলব্ধতাৰ ক্ষেত্ৰতো সমস্যা আহি পৰিছে ।