গুৱাহাটী,22 জানুৱাৰীঃ তামিলনাডুৰ কইম্বাটোৰ অঞ্চলৰ হৰিহৰণ আৰু আৰ ৰোব্বান একাদশ শ্ৰেণীৰ ছাত্ৰ। চাৰি বছৰ পূর্বে বেডমিণ্টন খেলিবলৈ আৰম্ভ কৰা এই একাদশ শ্ৰেণীৰ ছাত্ৰদ্বয়ে চীনৰ বেডমিণ্টন খেলুৱৈৰ খেল দেখি প্ৰেৰণা লাভ কৰিছিল ৷ ভৱিষ্যতে চীনৰ শ্বাটলাৰসকলৰ দৰে খেলাৰ লক্ষ্য হাতত লৈছিল এই দুয়োজন খেলুৱৈয়ে।
সেয়ে গুৱাহাটীৰ তৰুণৰাম ফুকন ইণ্ড'ৰ ষ্টেডিয়ামত অনুষ্ঠিত হোৱা খেল' ইণ্ডিয়াৰ পুৰুষৰ 17 বছৰৰ অনুৰ্দ্ধ বেটমিণ্টন ডাবলছত হৰিহৰণ আমছা কৰোনাম আৰু আৰ ৰোব্বানৰ যুটীয়ে হাৰিয়ানাৰ আৰিয়ান আৰু ভৰত ৰাঘৱক 21- 12, 21-13 ত পৰাজয় কৰে। স্বৰ্ণ পদক লাভেৰে খেল' ইণ্ডিয়া পদকৰ তালিকাত তামিলনাডু অষ্টম স্থানলৈ আহে ৷ বৰ্তমানলৈ 16 টা স্বৰ্ণ , 28 টা ৰূপ আৰু 18 টা ব্ৰঞ্জ পদক লাভ কৰিছে তামিলনাডুয়ে।
লগতে পঢ়কঃ গণতন্ত্ৰ দিৱসৰ পেৰেডত প্ৰথমবাৰৰ বাবে দেখা যাব মহিলা বাইকাৰ্ছ দল
