চিটাৰা ডেস্ক , ১ অক্টোবৰ: কানাড়া টেলিভিছন জগতৰ এগৰাকী জনপ্ৰিয় অভিনেত্ৰী সৌজন্যাৰ(Kannada small-screen actor Soujanya) ৰহস্যজনক মৃত্যুৱে অভিনেত্ৰীগৰাকীৰ অনুৰাগীসকলৰ মাজত ব্যাপক চাঞ্চল্যৰ সৃষ্টি কৰিছে ৷ শুকুৰবাৰে বেংগালুৰু চহৰৰ উপকণ্ঠৰ ডড্ডাবেলে গাঁৱৰ ওচৰত থকা এটা এপাৰ্টমেণ্টত সন্দেহজনক অৱস্থাত অভিনেত্ৰীগৰাকীৰ মৃতদেহ উদ্ধাৰ হয় । তদন্তৰ সময়ত আৰক্ষীয়ে চাৰি পৃষ্ঠাজোৰা চুইচাইড নোট উদ্ধাৰ কৰে । কিন্তু , আৰক্ষীয়ে এই পৰ্যন্ত কানাড়া টেলিভিছন জগতৰ জনপ্ৰিয় অভিনেত্ৰীগৰাকীৰ আত্মহত্যাৰ কাৰণ প্ৰকাশ কৰা নাই ।
আৰক্ষীয়ে উদ্ধাৰ কৰা চুইচাইড নোটত সৌজন্যাই তেওঁ মানসিক অশান্তিত ভুগি থকা বুলি উল্লেখ কৰিছে ৷ এই অশান্তিকৰ পৰিস্থিতিৰে যুঁজ দিবলৈ তেওঁ অপাৰগ বুলি জানিবলৈ দি অভিনেত্ৰীয়ে গৰাকীয়ে মানসিক অস্থিৰতাকে মৃত্যুৰ কাৰণ বুলি উল্লেখ কৰিছে যদিও আৰক্ষীয়ে তেওঁৰ আত্মহত্যাৰ কাৰণ নিশ্চিত কৰা নাই । চুইচাইড নোটত সৌজন্যই লিখিছিল "এনে সিদ্ধান্ত লোৱাৰ বাবে মই সঁচাকৈয়ে দুঃখিত । দেউতা মই আপোনাক বহুত ভাল পাওঁ" ।