উদুলি মুদুলি মাজুলী! এফালে যদি ৰাস আনফালে আকৌ মিউজিক ফেষ্টিভেল

ৰাস মহোৎসৱৰ সমান্তৰালভাৱে মাজুলীত অনুষ্ঠিত হৈছে মাজুলী মিউজিক ফেষ্টিভেল ৷ শুকুৰবাৰৰ পৰা তিনিদিনীয়াকৈ অনুষ্ঠিত হোৱা মাজুলী মিউজিক ফেষ্টিভেলৰ আজি অন্তিমটো দিন ৷

মাজুলী,17 নৱেম্বৰঃউদুলি মুদুলি মাজুলী ৷ অসংখ্য সংগীতপ্ৰেমীৰ সমাগমেৰে মাজুলীস্থিত জেংৰাইমুখত পোন প্ৰথমবাৰৰ বাবে আড়ম্বৰপূৰ্ণ ভাবে আয়োজন কৰা হৈছে মাজুলী মিউজিক ফেষ্টিভেল ৷ এই মহোৎসৱত অংশগ্ৰহণ কৰিছে আন্তঃৰাষ্ট্ৰীয় শিল্পী গুৰু ৰেৱেন মাচাংগা, কল্যাণ বৰুৱা, যতীন শৰ্মা , নিলোৎপল বৰা, গল্ডী সোহেল, সুৰেশ যোশী, শংকুৰাজ প্ৰডাক্ট বাৰ্তালাপ, অভি শইকীয়া, বায়' এণ্ড মিৰি ব্ৰেণ্ড ,আইলেণ্ড ৱাৰিয়ৰ, এলব' নাগা, কাল্টিভেটৰচ, অভিলাস চৌধুৰী , ইষ্টাৰ্ণ ঢোল প্লেয়াৰচ , ৰেইন ইন চাহাৰা, মনিৰাজ হাজৰিকাকে ধৰি বহুতো জনপ্ৰিয় শিল্পী ব্ৰেণ্ডে । সম্পূৰ্ণ প্ৰাকৃতিক পৰিৱেশত পৰ্যটকসকলৰ বাবে নৈশ যাপনৰ ব্যৱস্থা কৰাৰ লগতে নৌকা বিহাৰ , পেৰাস্লাইডিংৰ দৰে আকৰ্ষনীয় অনুষ্ঠানো প্ৰৰ্দশিত হৈছে। এই অনুষ্ঠানৰ মাজতে সমাহাৰ ঘটিছে স্থানীয় জনজাতীয় খাদ্য সম্ভাৰৰ ৷ যথেষ্ট গ্ৰাহকে ভিৰ কৰিছেহি স্থানীয় জনজাতীয় খাদ্য সম্ভাৰ এই বিপনী সমূহত ৷