Gadar Ek Prem Katha sequel: চিত্ৰগ্ৰহণ সম্পূৰ্ণ

20 বছৰৰ পাচত পুনৰ দেখা যাব তাৰা সিং আৰু ছাকিনাৰ প্ৰেম কাহিনী ৷ ইতিমধ্যে সমাপ্ত হৈছে ছবিখনৰ চিত্ৰগ্ৰহণ ৷ 2022 চনত মুক্তি লাভ কৰিব ছবিখনে ৷ ইয়াৰ পূৰ্বে মুক্তি লাভ কৰা গদাৰ: এক প্ৰেম কথাত ছানি দেউল(Sunny Deol in Gadar2)ৰ বিপৰীতে অভিনয় কৰিছিল আমিশা পেটেলে (Ameesha Patel in Gadar2) ৷

নিউজ ডেস্ক, 23 ডিচেম্বৰ : ছানি দেউল অভিনীত ৰোমান্টিক এক্সনধৰ্মী ছবি "গদাৰ ২"ৰ চিত্ৰগ্ৰহণ সমাপ্ত হৈছে ৷ অভিনেতাগৰাকীয়ে বুধবাৰে তেওঁৰ ইষ্টাগ্ৰাম(Sunny Deol Instagram)ত এখন ফটো শ্বেয়াৰ কৰি প্ৰকাশ কৰে এই কথা ৷ ছবি নিৰ্দেশক অনিল শৰ্মাৰ নিৰ্দেশনাত 2001 চনত মুক্তি লাভ কৰিছিল গদাৰ: এক প্ৰেম কথা ছবিখনে ৷ ভাৰত-পাক বিভাজনৰ সময়ত এজন এগৰাকী শিখ ট্ৰাক চালক আৰু পাকিস্তানী উচ্চজাত মুছলমান যুৱতীৰ প্ৰেমৰ কাহিনীৰ আলমত নিৰ্মাণ কৰা হৈছিল ছবিখন ৷

ছবিখনত শিখ ট্ৰাক চালক তাৰা সিং (ছানী দেওল) আৰু পাকিস্তানী উচ্চজাত মুছলমান যুৱতী ছাকিনা(আমিশা পেটেল)ৰ প্ৰেমৰ কাহিনীয়ে সেই সময়ত দৰ্শকৰ বিপুল সমাদৰ লাভ কৰিবলৈ সক্ষম হৈছিল ৷ দৰ্শকৰ মনত আজিও সজীৱ হৈ আছে তাৰা সিং আৰু ছাকিনাৰ এই প্ৰেম কাহিনী ৷ ছবিখনৰ মুক্তিৰ প্ৰায় 20 বছৰ সম্পূৰ্ণ হোৱাৰ সময়তে ছবিখনৰ নিৰ্মাতাই গদাৰ: এক প্ৰেম কথা ছিকুৱেল নিৰ্মাণৰ কথা ঘোষণা কৰে ৷ গদাৰ: এক প্ৰেম কথা ছিকুৱেল গদৰ 2 চিত্ৰগ্ৰহণ হিমাচল প্ৰদেশত কৰা হৈছিল আৰু ২৫ দিনত সময়সূচী নিৰ্ধাৰণ কৰা হৈছিল ৷

অভিনেতা ছানি দেওলে ইনষ্টাগ্ৰামত তাৰা সিঙৰ এখন ফটো শ্বেয়াৰ কৰি গদৰ 2ৰ চিত্ৰগ্ৰহণ সম্পূৰ্ণ হোৱাৰ কথা সদৰি কৰে ৷ তেওঁ ইষ্টাগ্ৰামত ফটোখনৰ কেপছন দি কয় যে, কেৱল কেইজনমান সৌভাগ্যৱান লোকেহে আশ্চৰ্যজনক চৰিত্ৰ ৰূপায়নৰ সুবিধা লাভ কৰে ৷ ২০ বছৰ পিছত পুনৰ তাৰা সিঙক উপস্থাপন কৰিবলৈ পাই ধন্য অনুভৱ কৰিছো ৷ জি ষ্টুডিঅ'ৰ বেনাৰত নিৰ্মাণ কৰা গদাৰ: এক প্ৰেম কথাৰ ছিকুৱেলখন 2022 চনত মুক্তি লাভ কৰিব ৷

লগতে পঢ়ক :Ranveer Singh looked same like Kapil Dev : ‘83’ ৰ স্মৃতিৰে পুনৰ নষ্টালজিক হৈ পৰিব দেশবাসী