চিটাৰা ডেস্ক, ২২ ডিচেম্বৰ: দীৰ্ঘ দিন ধৰি অভিনেত্ৰী আলিয়া ভাট আৰু ৰণবীৰ কাপুৰৰ মাজত প্ৰেমৰ সম্পৰ্ক থকাৰ বিষয়ে চৰ্চা লাভ কৰি আহিছে । ৰণবীৰে আজিলৈকে বিয়াৰ কথা প্ৰকাশ কৰা নাই যদিও আলিয়াই শেহতীয়াকৈ দুয়োৰে বিবাহ সন্দৰ্ভত প্ৰতিক্ৰিয়া ব্যক্ত কৰিছে । দুয়োৰে ডেষ্টিনেছন ৱেডিং সম্পন্ন হোৱাৰ খবৰ ইতিমধ্যে বিয়পি পৰিছে ।
যি সময়ত ৰণবীৰ-আলিয়াৰ অনুৰাগীয়ে তেওঁলোকৰ বিবাহৰ বাবে অধীৰ আগ্ৰহেৰে অপেক্ষা কৰি আছে, সেই সময়তে ৰাজী ছবিৰ অভিনেত্ৰীগৰাকীয়ে এখন ৱেবলয়ডৰ সাক্ষাৎকাৰত প্ৰকাশ কৰিছে যে, তেওঁ এতিয়া বিয়াৰ কথা চিন্তা কৰা নাই আৰু এতিয়াও তেওঁৰ বিবাহৰ বাবে উপযুক্ত বয়স হোৱা নাই । তেওঁ কয় যে, 'সকলোৱে কিয় মোক এই প্ৰশ্ন কৰে যে, মই কেতিয়া বিয়াত বহিম ? মোৰ মাত্ৰ ২৫ বছৰ হৈছে আৰু মই ভাৱো যে, বিবাহৰ বাবে উপযুক্ত বয়স হোৱা নাই ।'