চিটাৰা ডেস্ক,৮ অক্টোবৰ :আজি৫১ সংখ্যক জন্মদিন বলীউডৰ তাৰকা শ্বাহৰুখ খানৰ পত্নী গৌৰী খানৰ । অৱশ্যে এইবাৰ কোনো উৎসাহ নাই খান পৰিয়ালত । কাৰণ খান দম্পত্তিৰ জ্যেষ্ঠ পুত্ৰ আৰিয়ান খান সম্প্ৰতি জেলত (Jail) । অৱশ্যে ইয়াৰ মাজতে কন্যা সুহানা খানে মাতৃক জন্মদিনৰ শুভেচ্ছা জনালে । পিতৃ শ্বাহৰুখ খান আৰু মাতৃ গৌৰী খানৰ এখন বিশেষ ফটো শ্বেয়াৰ কৰি সুহানাই মাতৃক জন্মদিনৰ শুভেচ্ছা জনায় ।
উল্লেখ্য যে, সুহানা বৰ্তমান শিক্ষাগ্ৰহণৰ বাবে নিউয়ৰ্কত আছে । তাৰ পৰাই মাতৃৰ জন্মদিনত সামাজিক মাধ্যমত বিশেষ পোষ্ট দিয়ে সুহানাই । পিতৃ-মাতৃৰ এখন পুৰণি ফটো শ্বেয়াৰ কৰি মাতৃ গৌৰী খানক জন্মদিনৰ শুভেচ্ছা বাৰ্তা প্ৰেৰণ কৰে সুহানাই । অৱশ্যে সুহানা যে ভাতৃ আৰিয়ানক লৈ যথেষ্ট পৰিমাণে হতাশাত আছে সেই কথা স্পষ্ট হৈ পৰিছে তেওঁৰ পোষ্টটোত । কিয়নো জন্মদিনৰ শুভেচ্ছা বাৰ্তাত সুহানাই এটা বগা আৰু এটা ক'লা হাৰ্ট ইমোজিও শ্বেয়াৰ কৰিছে । এইটোৱে প্ৰমাণ কৰে যে মাতৃৰ জন্মদিনৰ শুভ মুহূৰ্তত সুহানা ভাতৃক লৈ দুখী ।