ৰাষ্ট্ৰীয় এৱাৰ্ডেৰে সন্মানিত বলীউডৰ অক্ষয় , বিকি আৰু আয়ুষ্মান

আয়ুষ্মান খুৰাণা , বিকি কৌশলে পালে সৰ্বশ্ৰেষ্ঠ ৰাষ্ট্ৰীয় অভিনেতাৰ পুৰষ্কাৰ ৷ বিক্কী ড'নাৰৰ জৰিয়তে খ্যাতি অৰ্জন কৰা আয়ুষ্মান খুৰাণা আৰু ৰাজী ষ্টাৰ বিকি কৌশলে নতুন দিল্লীত আয়োজিত 66 সংখ্যক ৰাষ্ট্ৰীয় ছবি সমাৰোহত সৰ্বশ্ৰেষ্ঠ অভিনেতাৰ খিতাপ অৰ্জন কৰে ৷

মুম্বাই,24 ডিচেম্বৰঃসোমবাৰে ৰাষ্ট্ৰীয় স্তৰত বৰ্ষটোৰ সৰ্বশ্ৰেষ্ঠ অভিনেতাৰ সন্মান প্ৰদান কৰা হয় অভিনেতা আয়ুষ্মান খুৰাণা আৰু বিক্কী কৌশলক ৷ আন্ধাধুন আৰু উৰিঃ দ্য সৰ্জিকেল ষ্ট্ৰাইকত দুৰ্দান্ত প্ৰদৰ্শনৰ বাবে দুয়োগৰাকী অভিনেতাকে সংযুক্ত ৰূপত বৰ্ষটোৰ সৰ্বশ্ৰেষ্ঠ অভিনেতাৰ পুৰষ্কাৰ প্ৰদান কৰা হয় ৷

নতুন দিল্লীত আয়োজিত এক আড়ম্বৰপূৰ্ণ অনুষ্ঠানত উপৰাষ্ট্ৰপতি এম ভেংকেয়া নাইডু আৰু তথ্য আৰু সম্প্ৰচাৰ মন্ত্ৰী প্ৰকাশ জাৱেদকাৰে 66 সংখ্যক ৰাষ্ট্ৰীয় ছবি আৰু পুৰষ্কাৰ সমাৰোহত এই বঁটা প্ৰদান কৰে ৷ ইফালে চুপাৰষ্টাৰ অক্ষয় কুমাৰক প্ৰদান কৰা হয় সৰ্বশ্ৰেষ্ঠ সামাজিক ছবি শ্ৰেণীৰ পুৰষ্কাৰ ৷ অক্ষয় কুমাৰৰ দ্বাৰা অভিনীত 'পেডমেন' শীৰ্ষক মাহেকীয়া ধৰ্মৰ স্বচ্ছতাৰ ওপৰত আধাৰিত সামাজিক ছবিখনৰ বাবে এই বঁটা প্ৰদান কৰা হয় ৷ লগতে তেলেগু অভিনেত্ৰী কীৰ্তি সুৰেশক 'মহানতী'ত সুন্দৰ প্ৰদৰ্শনৰ বাবে প্ৰদান সৰ্বশ্ৰেষ্ঠ অভিনেত্ৰীৰ বঁটা ৷ প্ৰকাশ জাৱেদকাৰে ঘোষণা কৰে যে, অহা 29 ডিচেম্বৰত ৰাষ্ট্ৰপতি ভৱনত বিগ বি অমিতাভ বচ্চনক 'দাদা চাহেব ফাল্কে বঁটা' বঁটা প্ৰদানৰ কথা জানিবলৈ দিয়ে প্ৰকাশ জাৱেদকাৰে ৷

লগতে পঢ়কঃ ধেমাজিত সেউজ বিপ্লৱ