চিটাৰা ডেস্ক,১৬ মাৰ্চ: টেলিভিছন জগতৰ পৰা বলীউডত খোজ পেলোৱা অভিনেত্ৰী মৌনী ৰয়ে ডুবাইৰ ব্যৱসায়ী সুৰজ নাম্বিয়াৰৰ সৈতে বিবাহপাশত আৱদ্ধ হ'বলৈ সাজু হৈছে । সুৰজ আৰু মৌনীৰ প্ৰেমৰ কথা কেইমাহমান পূৰ্বে মৌনীয়ে ৰাজহুৱা কৰিছিল ৷ এই বাতৰিয়ে ইনষ্টাগ্ৰামত খলকনি তুলিছিল । মৌনীয়ে সুৰজ আৰু তেওঁৰ পিতৃ-মাতৃয়ে লগ কৰাৰ সময়ৰ কেইখনমান ফটো ইনষ্টাগ্ৰামযোগে শ্বেয়াৰ কৰিছিল ।
এক সূত্ৰই প্ৰকাশ কৰা মতে, সংক্ৰান্তীয় আলোচনাৰ বাবে দুয়োটা পৰিয়ালৰে জ্যেষ্ঠ লোকসকল মন্দিৰা বেদীৰ বাসগৃহত আলোচনাত মিলিত হৈছিল । মন্দিৰা হৈছে মৌনী ৰয়ৰ খুব ভাল বান্ধৱী আৰু পৰিয়ালৰ সদস্যৰ দৰে । ডুবাইত নৱবৰ্ষ উদযাপনৰ সময়ত সুৰজ আৰু সুৰজৰ পৰিয়ালৰ সৈতে মৌনী ৰয়ক একেলগে দেখা গৈছিল । আনহাতে, অভিনেত্ৰী গৰাকীক অমিতাভ বচ্চন, আলিয়া ভাট, ৰণবীৰ কাপুৰ আৰু তেলেগু ছুপাৰষ্টাৰ নাগাৰ্জুন অভিনীত আয়ান মুখাৰ্জীৰ এক্সন ছবি ব্ৰহ্মাস্ত্ৰত দেখা পোৱা যাব ।