চিটাৰা ডেস্ক,7 জুনঃ বিগত কিছুদিনৰ পৰা ছবি নিৰ্মাতা কৰণ জোহৰে নিজৰ ছ'চিয়েল মিডিয়া একাউন্ট যোগে শ্বেয়াৰ কৰি আছে দুই সন্তানৰ ভিডিঅ'সমূহ ৷
কিন্তু শেহতীয়াকৈ কৰণ জোহৰে শ্বেয়াৰ কৰে কেইখনমান বহু পুৰণি ফটো ৷ শনিবাৰে নিজৰ ইনষ্টাগ্ৰাম যোগে 90 দশকৰ ফটো শ্বেয়াৰ কৰি কেপচনত লিখে, "মেজৰ থ্ৰ'বেক ৷" ফটোখনত কৰণৰ সৈতে শ্বাহৰুখ খান, গৌৰী খান, অক্ষয় কুমাৰ, উদয় চোপ্ৰা আৰু কৰণ জোহৰৰ পিতৃ-মাতৃক দেখিবলৈ পোৱা গৈছে ৷
অনুৰাগীয়ে ফটোকেইখন যথেষ্ট ভালপোৱাৰ লগতে কৰণ জোহৰৰ প'ষ্টটো শ্বেয়াৰো কৰিছে ৷ কিছুদিন পূৰ্বে ছবি নিৰ্মাতাজনৰ ঘৰত কৰ'ণাই দেখা দিছিল ৷ তেঁওৰ ঘৰত কাম কৰা দুজন মানুহৰ শৰীৰত ধৰা পৰিছিল মাৰাত্মক কৰ'ণা ভাইৰাছ ৷ কৰণে নিজেই এই কথাটো সকলোকে জনাইছিল ৷ তেঁও জনায় যে, তেঁওলোকৰ শৰীৰত যেতিয়াই কৰ'ণাৰ লক্ষণ দেখা পালে তেতিয়াই তেঁওলোকক পঠাই দিয়ে কোৱাৰেন্টাইন চেন্টাৰলৈ ৷ অৱশ্যে তেঁওৰ ঘৰৰ বাকীসকল সদস্যৰ কৰ'ণা পৰীক্ষণ নিগেটিভ অহাৰ লগতে তেঁওলোক বৰ্তমান সম্পূৰ্ণ সুস্থ বুলি জনাইছে ৷
