"ব্ৰীথ 2" ৰ জৰিয়তে ডিজিটেল প্লেটফৰ্মত অভিষেক বচ্চন

চলিত মাহতে ৱেব চিৰিজখনৰ শ্বুটিঙৰ কাম আৰম্ভ হোৱাৰ কথা সদৰি কৰে এমেজন প্ৰাইমৰ থ্ৰীলৰ শ্ব'সমূহৰ প্ৰযোজক লগতে এম্বেদেচিয়াৰ সংস্থাপক বিক্ৰম মলহোত্ৰাই৷

নিউজ ডেস্ক, 1 মাৰ্চঃ ৰূপালী পৰ্দাৰ পিচত এইবাৰ ৱেব চিৰিজত দেখা পোৱা যাব অভিনেতা অভিষেক বচ্চনক৷ বলিউডৰ পিচত "ব্ৰীথ 2" নামৰ ৱেব চিৰিজখনৰ জৰিয়তে অভিনয় ক্ষেত্ৰখনত পুনৰ এবাৰ ভাগ্য পৰীক্ষা কৰিব অভিনেতাজনে৷

আৰু পঢ়ক মোদীক সমৰ্থন কংগনাৰ

ইতিমধ্যে চলিত মাহতে ৱেব চিৰিজখনৰ শ্বুটিঙৰ কাম আৰম্ভ হোৱাৰ কথা সদৰি কৰে এমেজন প্ৰাইমৰ থ্ৰীলৰ শ্ব'সমূহৰ প্ৰযোজক লগতে এম্বেদেচিয়াৰ সংস্থাপক বিক্ৰম মলহোত্ৰাই৷ ৱেব চিৰিজখনৰ সম্পৰ্কত হৈ যোৱা এটা সাক্ষাৎকাৰত অভিষেক বচ্চনৰ প্ৰশংসাত পঞ্চমুখ হৈ পৰে বিক্ৰম মলহোত্ৰা৷ চিৰিজখনত অভিনেতাজনৰ লুকটোৰো প্ৰশংসা কৰে মলহোত্ৰাই৷

উল্লেখ্য যে আগন্তুক বৰ্ষৰ প্ৰথমতে "ব্ৰীথ 2" মুকলি সম্ভৱনা থকা বুলিও জানিবলৈ দিয়ে৷