চিটাৰা ডেস্ক,3 ফেব্ৰুৱাৰী : অভিনেতা আমিৰ খান আৰু এলি আৱৰামৰ এটা ক্লাৱ নম্বৰৰ সুৰত নৃত্য কৰা এটি ভিডিঅ’ই চৰ্চা লাভ কৰিছে চ’ছিয়েল মিডিয়াত ৷ লাল সিং চাধাৰ সৈতে ব্যস্ত আমিৰে তেওঁৰ বন্ধু আমিন হাজীৰ দ্বাৰা পৰিচালিত এখন আগন্তুক ছবিৰ বাবে এটি বিশেষ গানৰ দৃশ্যগ্ৰহণ কৰা পৰিলক্ষিত হৈছে । ভাইৰেল ভিডিঅ’টি জয়পুৰত দৃশ্যগ্ৰহণ কৰা বুলি জানিব পৰা গৈছে ।
ক্লাৱ নম্বৰৰ দৃশ্যগ্ৰহণৰ পূৰ্বে আমিৰে কৰিঅ'গ্ৰাফাৰ বস্কো মাৰ্টিছৰ দলৰ সৈতে কাম কৰিছিল । ৱেৱলইডৰ এক প্ৰতিবেদন অনুসৰি, জয়পুৰত এটি বিশেষ ক্লাৱ ছেট নিৰ্মাণ কৰা হয়ষ য’ত গানটোৰ দৃশ্যগ্ৰহণ কৰা হৈছে । ‘কোই জানে না’ হৈছে এখন থ্ৰীলাৰ ছবি, অভিনেতা য’ত কুনাল কাপুৰ আৰু আমায়ৰা দাস্তুৰে মুখ্য চৰিত্ৰত অভিনয় কৰিছে ৷