গুৱাহাটী,1 মে'ঃ2020 বৰ্ষ সকলোৰে বাবে এক প্ৰত্যাহ্বানজনক । শেহতীয়াকৈ ক'ৰণা ভাইৰাছৰ আতংকৰ মাজতে দেশবাসীয়ে হেৰুৱালে দুজনকৈ প্ৰতিভাৱান অভিনেতাক ৷ বুধবাৰে জনপ্ৰিয় অভিনেতা ইৰফান খানৰ মৃত্যুৰ শোক মাৰ নাযাওঁতেই বৃহস্পতিবাৰে ঋষি কাপুৰৰ মৃত্যুৰ খবৰে উকা কৰি গ'ল প্ৰতিজন ছবি প্ৰেমীৰ হৃদয়।
ইৰফান খানৰ মৃত্যুৰ বাতৰি পোৱাৰ পিছতে নীলিম মহন্ত নামৰ লখিমপুৰৰ এজন অনুৰাগীয়ে ঘৰৰ বেৰত আঁকিলে প্ৰিয় অভিনেতা গৰাকীৰ প্ৰতিচ্ছবি ৷ চিত্ৰশিল্পী নীলিম মহন্তৰ হাতৰ পৰশত প্ৰাণ পাই উঠিল ইৰফান খানৰ সজীৱ ছবি। মৃত্যুৰ খবৰ পোৱাৰ পিছতে নীলিম মহন্তই সকলো কাম এৰি প্রিয় অভিনেতা গৰাকীৰ ছবি আঁকি ইৰফান খানক যাঁচিলে শ্ৰদ্ধাঞ্জলি ।
লগতে চাওকঃপৃথিৱীৰ পৰা বিদায় লোৱা ইৰফান খানৰ স্মৃতি সজীৱ কৰি ৰাখিব তেওঁৰ ছবিসমূহে