ককাকৰ হাতত ধৰ্ষিতা নাতিনী

58 বছৰীয়া ককাৰ কামনাৰ বলি হ'ল 11 বছৰীয়া নাতিনী,লম্পট ককাকৰ বিৰুদ্ধে ভাৰতীয় দণ্ডবিধিৰ 376(2)(1) ধাৰাত ৰুজু হৈছে গোচৰ ৷

কৰিমগঞ্জ,১৬জুন : অসম- ত্ৰিপুৰা সীমান্তত জঘন্য ঘটনা । 58 বছৰীয়া ককাকৰ কামনাৰ বলি হ'ল 11 বছৰীয়া নাতিনী । বিগত চাৰি-পাঁচ দিন ধৰি জনৈক আব্দুল নামৰ ককাকজনে নিজৰ এঘাৰ বছৰীয়া নাতিনীক ভয়-ভাবুকিৰে ধৰ্ষণ কৰি আহিছিল । দেওবাৰে ধৰ্ষণকাৰী বৃদ্ধজনক হাতে-লোটে কৰায়ত্ত কৰে স্থানীয় ৰাইজে । ইফালে, কণমানিজনীক আৰক্ষীয়ে হাস্পতাললৈ প্ৰেৰণ কৰি শাৰিৰীক পৰীক্ষা-নিৰীক্ষাৰ পিছত ঘটনাৰ সত্যতা প্ৰমাণ হয় । লম্পট ককাকৰ বিৰুদ্ধে ভাৰতীয় দণ্ডবিধিৰ 376(2)(1) ধাৰাত ৰুজু হৈছে গোচৰ । সোমবাৰে লম্পট আব্দুলক প্ৰেৰণ কৰা হ'ব ধৰ্মনগৰ আদালতলৈ ।