কলিয়াবৰ, 22 জানুৱাৰী : ভূমিহীন লোকক চৰকাৰী ভূমি পট্টা দিয়াৰ নামত নগাঁৱত দুৰ্নীতি সংঘটিত হোৱাৰ অভিযোগ উত্থাপন হৈছে ৷ জিলাখনৰ কলিয়াবৰ ৰাজহ চক্ৰৰ অন্তৰ্গত কুঠৰীত লাট মণ্ডলৰে গোপন বুজাবুজি কৰি সহজতে ধন ঘটাৰ উদ্দেশ্যে দালালীত নামি পৰিছে একাংশ দুষ্টচক্ৰই ।
ভুক্তভোগী পৰিয়ালৰ মন্তব্য
উল্লেখ্য যে, ৰাজ্য চৰকাৰে ভূমিহীন লোকসকলক বিনামূলীয়াকৈ ভূমি পট্টা আৱণ্টনৰ ব্যৱস্থা অব্যাহত ৰাখিছে । ইতিমধ্যে, কলিয়াবৰতো ভূমিহীন লোকসকলক ভূমি পট্টা প্ৰদান কৰিবৰ বাবে কলিয়াবৰ চক্ৰ বিষয়াৰ তত্বাৱধানত লাট মণ্ডল সকলে আৰম্ভ কৰিছে জৰীপ । তাৰেই সুযোগ গ্ৰহণ কৰি এক বিশেষ দুষ্টচক্ৰই নামি পৰিছে সহজতে ধন ঘটাৰ পথত ।