আৰক্ষীৰ জালত ড্ৰাগছ সহ মহিলা সৰবৰাহকাৰী

বৃহৎ পৰিমাণৰ ড্ৰাগছসহ পুনৰ নগাঁও আৰক্ষীৰ জালত মহিলা । ইতিমধ্যে ধৃত মহিলাজনীক জেৰা অব্যাহত ৰাখিছে আৰক্ষীয়ে ৷

নগাঁও, 4 জুলাইঃ নগাঁৱত ড্ৰাগছ সহ এজনী মহিলা সৰবৰাহকাৰী আৰক্ষীয়ে আটক কৰিবলৈ সক্ষম হৈছে ৷ নগাঁও চহৰৰ ফাঁচী ৰোডত অভিযান চলাই আৰক্ষীয়ে আটক কৰে মহিলা জনীক ৷

লক ডাউনৰ মাজতে নগাঁৱত অব্যাহত ড্ৰাগছৰ ৰমৰমীয়া ব্যৱসায় । ইতিমধ্যে ড্ৰাগছ ব্যৱসায়ৰ লগত জড়িত কেইবাজনো সৰবৰাহকাৰীক আৰক্ষীয়ে আটক কৰিবলৈ সক্ষম হৈছে ৷ ঠিক একেদৰে শনিবাৰে নিশা এক গোপন সূত্ৰৰ পম খেদি নগাঁও আৰক্ষীৰ নগৰ শাখাৰ ভাৰপ্ৰাপ্ত বিষয়া কুন্দন ৰবিদাসৰ নেতৃত্বত আৰক্ষীৰ এটা দলে নগাঁও চহৰৰ ফাঁচী ৰোডত অভিযান চলাই আটক কৰে ড্ৰাগছ সৰবৰাহকাৰী মহিলাৰ লগতে জব্দ কৰে লক্ষাধিক টকাৰ নিচাজাতীয় ঔষধ ৷ ধৃত মহিলাজনীৰ নাম ৰুমেছা খাতুন ৷ ইতিমধ্যে অধিক তথ্যৰ বাবে ধৃত মহিলা জনীক জেৰা অব্যাহত ৰাখিছে আৰক্ষীয়ে ৷

লগতে পঢ়ক- আলফাৰ লিংকমেন আটক